മലയാളികള്ക്ക് ഏറെ പ്രിയപ്പെട്ടവരാണ് നടി മുക്തയും മകള് കണ്മണി എന്ന കിയാരയും. ഇരുവരുടെയും ഡാന്സ് വീഡിയോകള്ക്കും റീലുകള്ക്കും ആരാധകര് ഏറെയാണ്. ഇപ്പോഴിതാ കിയാരയുടെ ആദ്യ കുര്ബ്ബാനയുടെ വിശേഷങ്ങളാണ് സമൂഹമാധ്യമങ്ങളില് ശ്രദ്ധനേടുന്നത്.
കുടുംബാംഗങ്ങളും അടുത്ത സുഹൃത്തുക്കളും പങ്കെടുത്ത ചടങ്ങില് അതീവ സുന്ദരിയായാണ് കിയാര വിശുദ്ധ കുര്ബ്ബാന സ്വീകരിച്ചത്. തന്റെ ജീവിതത്തിലെ അനുഗ്രഹീത ദിവസമാണിതെന്ന് വിശേഷിപ്പിച്ചുകൊണ്ട് കിയാര തന്നെയാണ് സോഷ്യല് മീഡിയയിലൂടെ ഈ സന്തോഷവാര്ത്ത ആരാധകരുമായി പങ്കുവെച്ചത്. ഭക്തിനിര്ഭരമായ കുറിപ്പും കിയാര പങ്കുവെച്ചിട്ടുണ്ട്.
‘Praise the Lord .ഈശോയെ എന്റെ ഹൃദയത്തില് സ്വീകരിച്ച അനുഗ്രഹീതമായ ദിവസം.ഈശോയോടൊപ്പം ചേര്ന്ന് നില്ക്കാനും അവന്റെ സ്നേഹത്തില് വളരാനും എനിക്ക് എന്നും സാധിക്കട്ടെ. എന്നെ ഒരുക്കിയ സിസ്റ്ററിനേയും എനിക്ക് ആദ്യ കുര്ബാന നല്കിയ അച്ഛനേയും ഈ അവസരത്തില് ഞാന് സ്നേഹത്തോടെ ഓര്ക്കുന്നു. എന്റെ പ്രിയപ്പെട്ട മാതാപിതാക്കളെയും ഞാന് ഈശോയുടെ കരങ്ങളില് സമര്പ്പിക്കുന്നു.
നിങ്ങളുടെ പ്രാര്ത്ഥനകളില് എന്നെയും ഓര്ക്കണേ ’എന്നായിരുന്നു കിയാര കുറിച്ചത്.
തന്നെ ഈ ശുശ്രൂഷയ്ക്കായി ഒരുക്കിയ സിസ്റ്റര്മാര്ക്കും വൈദികര്ക്കും കണ്മണി നന്ദിയും അറിയിക്കുന്നുണ്ട്. ആദ്യ കുര്ബ്ബാന സ്വീകരണത്തിന്റെ ചിത്രങ്ങളും ഇന്സ്റ്റഗ്രാമില് പങ്കുവെച്ചിട്ടുണ്ട്. കുഞ്ഞ് കിയാരയ്ക്കും കുടുംബത്തിനും ആശംസകളുമായി ആരാധകരും സിനിമാ മേഖലയിലെ പ്രമുഖരും രംഗത്തെത്തിയിട്ടുണ്ട്.
ഗായിക റിമി ടോമിയുടെ സഹോദരന് റിങ്കു ടോമിയാണ് മുക്തയുടെ ഭര്ത്താവ്. പത്താം വളവ് എന്ന ചിത്രത്തില് സുരാജ് വെഞ്ഞാറമ്മൂടിന്റെ മകളായി കിയാര അഭിനയിച്ചിട്ടുണ്ട്. പാപ്പന്, കിങ് ഓഫ് കൊത്ത അടക്കം നിരവധി സിനിമകളില് കിയാര അഭിനയിച്ചു കഴിഞ്ഞു. പാട്ടും നൃത്തവും കുക്കിങ് വീഡിയോകളും വ്ളോഗുമൊക്കെയായി മുക്തയും മകളും സോഷ്യല് മീഡിയയില് പ്രേകഷ്കര്ക്ക് പ്രിയങ്കരികളാണ്.
