സിനിമയിലും ടെലിവിഷനിലുമൊക്കെയായി പ്രേക്ഷകര്ക്ക് പ്രിയങ്കരിയായി മാറിയതാണ് മുക്ത. ഗായിക റിമി ടോമിയുടെ സഹോദരന് റിങ്കു ടോമിയാണ് മുക്തയുടെ ഭര്ത്താവ്. കണ്മണി എന്ന കിയാരയാണ് ഇരുവരുടെയും മകള്.
കണ്മണി കുട്ടിയുടെ ആദ്യ കുര്ബ്ബാനയുടെ വിശേഷങ്ങളാണ് സമൂഹമാധ്യമങ്ങളില് ശ്രദ്ധ നേടുന്നത്. തന്റെ ജീവിതത്തിലെ അനുഗ്രഹീത ദിവസമാണിതെന്ന് വിശേഷിപ്പിച്ചുകൊണ്ട് കിയാര തന്നെയാണ് സോഷ്യല് മീഡിയയിലൂടെ ഈ സന്തോഷവാര്ത്ത ആരാധകരുമായി പങ്കുവച്ചത്. കിയാര പങ്കുവച്ച കുറിപ്പും ശ്രദ്ധ നേടുകയാണ്.
ഇപ്പോഴിതാ ആദ്യ കുര്ബ്ബാനയില് കുടുംബത്തിനൊപ്പം എടുത്ത ഒരു ഫാട്ടോയും ഹൃദ്യമായ കുറിപ്പും പങ്കുവച്ചിരിക്കുകയാണ് മുക്ത.
'ഞാന് ഗര്ഭിണിയായിരുന്നപ്പോള് ഒരു പെണ്കുഞ്ഞിനായി പ്രാര്ത്ഥിച്ചിരുന്നു. ദൈവം എനിക്ക് സ്വര്ഗ്ഗത്തില് നിന്നുള്ള ഏറ്റവും മനോഹരമായ ഒരു മാലാഖയെ നല്കി എന്നെ അനുഗ്രഹിച്ചു, എന്റെ കണ്മണി. 15-4-2026, ഈശോയോട് കൂടുതല് അടുക്കുവാനുള്ള മനോഹരമായ ഒരു ചുവടുവെപ്പായി അവള് ഇന്ന് തന്റെ ആദ്യ കുര്ബാന സ്വീകരിച്ചു.
ഞങ്ങളുടെ ഹൃദയം നന്ദിയാല് നിറഞ്ഞിരിക്കുന്നു. ഈ പ്രത്യേക ദിനത്തില് ഞങ്ങളെ പിന്തുണയ്ക്കുകയും അവളുടെ മംഗളത്തിനായി പ്രാര്ത്ഥിക്കുകയും ചെയ്ത ഞങ്ങളുടെ പ്രിയപ്പെട്ട കുടുംബാംഗങ്ങള്ക്കും സുഹൃത്തുക്കള്ക്കും നന്ദി പറയുന്നു.ദൈവത്തിന് സ്തുതി'', എന്നാണ് മുക്തയുടെ കുറിപ്പ്.
പത്താം വളവ്, പാപ്പന്, കിങ് ഓഫ് കൊത്ത തുടങ്ങിയ സിനിമകളിലും കിയാര അഭിനയിച്ചിട്ടുണ്ട്. പാട്ടും നുത്തവും കുക്കിങ് വീഡിയോകളും വ്ളോഗുമൊക്കെയായി മുക്തയും മകളും സോഷ്യല് മീഡിയയില് സജീവമാണ്.
