മട്ടന്നൂര്: പശ്ചിമേഷ്യയിലെ യുദ്ധ സാഹചര്യത്തില് കണ്ണൂരില് നിന്ന് വിദേശ രാജ്യങ്ങളിലേക്ക് നിര്ത്തിവച്ച വിമാന സര്വീസ് ഘട്ടങ്ങളായി പുനരാരംഭിക്കുന്നു. വിമാനങ്ങളുടെ സര്വീസുകള് മുടങ്ങിയതോടെ കണ്ണൂര് രാജ്യാന്തര വിമാനത്താവളത്തിന് കോടികളുടെ നഷ്ടമാണുണ്ടായത്.
കഴിഞ്ഞ ഫെബ്രുവരി മാസം 28 നു ഉച്ച മുതലാണ് കണ്ണൂരില് നിന്നു വിദേശ രാജ്യങ്ങളിലേക്കുള്ള വിമാന സര്വീസ് നിര്ത്തിയത്. റിയാദിലേക്കുള്ള ഇന്നലെ എയര് ഇന്ത്യ എക്സ്പ്രസ് വിമാനം സര്വീസ് ആരംഭിച്ചു. അമ്പതാം ദിവസത്തിനു ശേഷമാണ് സര്വീസ് ആരംഭിക്കുന്നത്. നിലവില് ഷാര്ജ, ജിദ്ദ, മസ്ക്കറ്റ് എന്നിവിടങ്ങളിലേക്കാണ് സര്വീസുള്ളത്. റിയാദ് കൂടി ആരംഭിക്കുന്നതോടെ വിദേശ രാജ്യങ്ങളിലേക്കുള്ള സര്വീസ് നാലാകും. 50 ദിവസങ്ങളായി വിദേശ രാജ്യങ്ങളിലേക്കുള്ള നൂറ് കണക്കിനു സര്വീസുകളാണ് മുടങ്ങിയത്.
യുദ്ധമുണ്ടായതിനാല് കണ്ണൂരില് നിന്ന് എയര് ഇന്ത്യ എക്സ്പ്രസ്, ഇന്ഡിഗോ വിമാനങ്ങളാണ് ഗള്ഫ് രാജ്യങ്ങളിലേക്ക് സര്വീസ് നടത്തിയിരുന്നത്. അബുദാബി, ദുബായ്, ഷാര്ജ, റിയാദ്, മസ്ക്കറ്റ്, ഫുജൈറ എന്നിവിടങ്ങളിലേക്കുള്ള സര്വീസുകളാണ് റദ്ദാക്കിയിരുന്നത്. പിന്നീട് മസ്ക്കറ്റ്, ജിദ്ദ, ഷാര്ജ എന്നിവിടങ്ങിലേക്കുളള സര്വീസ് ആരംഭിച്ചിരുന്നു.
ഇതിനു ശേഷം ഇന്നലെ മുതല് റിയാദിലേക്ക് സര്വീസ് ആരംഭിച്ചു. ആഴ്ചയില് മൂന്ന് ദിവസമാണ് എയര് ഇന്ത്യ എക്സ്പ്രസ് റിയാദിലേക്ക് സര്വീസ് നടത്തുന്നത്. ഞായര്, തിങ്കള്, വ്യാഴം ദിവസങ്ങളിലാണ് സര്വീസുകള് നടത്തുക. മേയ് ഒന്നിന് ദുബായിലേക്കും എയര് ഇന്ത്യ എക്സ്പ്രസ് സര്വീസ് ആരംഭിക്കാന് ഷെഡ്യൂള് തയാറായിട്ടുണ്ട്. മേയ് പകുതിയോടെ അബുദാബി, ദോഹ, ഫുജൈറ തുടങ്ങിയ സ്ഥലങ്ങളിലേക്കും സര്വീസ് ആരംഭിക്കാന് കഴിയുമെന്ന പ്രതീക്ഷയിലാണ് വിമാനത്താവള കമ്പനി അധികൃതര്. ഇതോടെ സര്വീസുകള് പുനരാരംഭിക്കുന്നതോടെ പഴയ നിലയില് എത്താന് കഴിയും. യുദ്ധം കാരണം വിമാനങ്ങള് കൂട്ടത്തോടെ റദ്ദാക്കിയതോടെ യാത്രക്കാരെയും പ്രതിസന്ധിയിലാക്കിരുന്നു.
വിസ കാലാവധി കഴിഞ്ഞവര് അടക്കം പ്രയാസത്തിലായിരുന്നു. നിരവധി പേര് വിദേശ രാജ്യങ്ങളിലേക്ക് തിരികെ പോയി. ഇനിയും നിരവധി പ്രവാസികള് വിദേശ രാജ്യങ്ങളിലേക്ക് പോകാനുണ്ട്. വിമാന സര്വീസുകള് മുടങ്ങിയതോടെ കണ്ണൂര് വിമാനത്താവളത്തിനും വിമാന കമ്പനികള്ക്കും വലിയ സാമ്പത്തിക നഷ്ടമാണുണ്ടായത്.
കണ്ണൂര് വിമാനത്താവളത്തിന് മാത്രം കോടികളുടെ നഷ്ടമാണുണ്ടായത്. വിദേശ രാജ്യങ്ങളിലേക്കുള്ള സര്വീസാണ് വിമാനത്താവളത്തിനുള്ള നല്ല വരുമാനമുണ്ടാക്കുന്നത്. തിരുവനന്തപുരം, ഹൈദരാബാദ്, ഡല്ഹി, മുംബൈ, ബംൂരു എന്നിവിടങ്ങളിലേക്കും കണ്ണൂരില് നിന്ന് സര്വീസുണ്ട
