ന്യൂഡല്ഹി: കേന്ദ്ര കാലാവസ്ഥാ വകുപ്പിന്റെ ഏറ്റവും പുതിയ റിപ്പോര്ട്ട് പ്രകാരം, ഈ മാസം ഇന്ത്യയിലുടനീളം പ്രവചിക്കപ്പെട്ടിരിക്കുന്നത് സാധാരണയില് കവിഞ്ഞ മഴയാണ്. വരും ദിവസങ്ങളില് രാജ്യത്തിന്റെ വിവിധ ഭാഗങ്ങളില് കനത്ത മഴ പെയ്യാന് സാധ്യതയുണ്ടെന്ന് അധികൃതര് മുന്നറിയിപ്പ് നല്കുന്നു. മഴയ്ക്കൊപ്പം തന്നെ പലയിടങ്ങളിലും ശക്തമായ കൊടുങ്കാറ്റിനും സാധ്യതയുണ്ട്.
മണിക്കൂറില് 40 മുതല് 60 കിലോമീറ്റര് വരെ വേഗതയില് വീശിയടിക്കുന്ന കാറ്റും, വ്യാപകമായ ഇടിമിന്നലും ഉണ്ടായേക്കാം. അതിനാല് പൊതുജനങ്ങള് ജാഗ്രത പാലിക്കണമെന്ന് കാലാവസ്ഥാ വകുപ്പ് നിര്ദ്ദേശിച്ചു. ഈ മാസത്തെ മഴയുടെ അളവ് ദീര്ഘകാല ശരാശരിയുടെ 110 ശതമാനത്തിന് മുകളില് ആയിരിക്കുമെന്നാണ് കണക്കാക്കുന്നത്. 1971 മുതല് 2020 വരെയുള്ള കണക്കുകള് പ്രകാരം മേയ് മാസത്തില് ലഭിക്കേണ്ട ശരാശരി മഴ 64.1 മില്ലിമീറ്ററാണ്. മുന്കാലങ്ങളെ അപേക്ഷിച്ച് റെക്കോര്ഡ് മഴയാണ് ഇത്തവണ പ്രതീക്ഷിക്കുന്നത്.
രാജ്യത്തിന്റെ പല ഭാഗങ്ങളിലും തുടരുന്ന കഠിനമായ ഉഷ്ണതരംഗത്തിന് ഈ മഴ വലിയ ആശ്വാസമാകും. താപനില കുറയുന്നതോടെ നിലവിലെ ഉഷ്ണസാഹചര്യങ്ങള് ലഘൂകരിക്കപ്പെടുമെന്നാണ് കാലാവസ്ഥാ നിരീക്ഷകരുടെ വിലയിരുത്തല്. രാജ്യത്തുടനീളം കനത്ത മഴയ്ക്ക് സാധ്യത. മണിക്കൂറില് 40-60 കി.മീ വേഗത്തില് കാറ്റടിക്കുമെന്നും ദീര്ഘകാല ശരാശരിയുടെ 110 ശതമാനം മഴ ലഭിക്കാന് സാധ്യതയുണ്ടെന്നും
ഉഷ്ണതരംഗത്തില് നിന്ന് മോചനം ലഭിച്ചേക്കുമെന്നുമാണ് കാലാവസ്ഥാ നിരീക്ഷണകേന്ദ്രം വ്യക്തമാക്കുന്നത്.
