കൊല്ലം: മോഷണക്കുറ്റം ആരോപിച്ച് പുനലൂരില് ആറാം ക്ലാസുകാരനെ കെട്ടിത്തൂക്കി മര്ദ്ദിച്ചെന്ന് പരാതി. സംഭവത്തില് പോലീസ് കേസെടുക്കുകയും മര്ദ്ദനത്തിനിരയാക്കിയ സ്ഥാപനത്തിലെ വാര്ഡനെയും കുക്കിനെയും കസ്റ്റഡിയില് എടുക്കുകയും ചെയ്തിട്ടുണ്ട്്
കുട്ടികള് താമസിച്ച് പഠിക്കുന്ന പുനലൂര് വെട്ടിത്തിട്ടയിലെ ലിവിങ് വാട്ടര് എന്ന സ്ഥാപനത്തിനെതിരെ കുട്ടിയുടെ കുടുംബം പരാതി നല്കിയിരിക്കുകയാണ്. 500 രൂപ കാണാനില്ലെന്ന് ആരോപിച്ച് വാര്ഡനും കുക്കും ചേര്ന്നാണ് കൊടും ക്രൂരത നടത്തിയത്.
അവധിക്ക് വന്നശേഷം തിരികെ പോകാന് കുട്ടി വിസമ്മതം കാണിച്ചതിനെ തുടര്ന്ന് അന്വേഷിച്ചപ്പോഴാണ് കുട്ടി ഇക്കാര്യം പറഞ്ഞത്. താന് പണം മോഷ്ടിച്ചുവെന്ന് ആരോപിച്ച് വാര്ഡനും കുക്കും മര്ദ്ദിച്ചെന്ന് കുട്ടി പറയുന്നത്. ഒരു കാലില് കെട്ടിത്തൂക്കാനൊരുങ്ങിയെന്നും പറഞ്ഞു.
മോഷ്ടിച്ചില്ലെന്ന് കുട്ടി പറഞ്ഞെങ്കിലും വാര്ഡനും കുക്കും ക്രൂരത കാട്ടുകയായിരുന്നുവെന്നാണ് പരാതി. സംഭവം വലിയ വിവാദമായി മാറിയിട്ടുണ്ട്. വിഷയത്തില് ശിശുക്ഷേമ വകുപ്പും ഇടപെട്ടിരിക്കുകയാണ്. അതേസമയം നീക്കാനിരുന്ന ജീവനക്കാരനാണ് ഇതെന്നാണ് ഉടമ പറഞ്ഞത്.
