അ​മ​രി​കു​നിയിൽ നിന്ന് പിടികൂടി തലസ്ഥാനത്ത് എത്തിച്ചത് ഒരു വർഷം മുമ്പ്; പെണ്‍കടുവ അ​ക്യൂ​ട്ട് ബ്രോ​ങ്കോ ന്യു​മോ​ണി​യ​ ബാധിച്ച് മരിച്ചു

വയനാട്ടിൽ നിന്നും മൃ​ഗ​ശാ​ല​യി​ലെത്തിച്ച പെ​ൺ​ക​ടു​വ ച​ത്തു. പത്ത് വയസ് പ്രായമുള്ള ക​ടു​വ രാ​വി​ലെ ആ​റോ​ടെ​യാ​ണ് ച​ത്ത​ത്. അ​ക്യൂ​ട്ട് ബ്രോ​ങ്കോ ന്യു​മോ​ണി​യ​യാ​ണ് മ​ര​ണ​കാ​ര​ണ​മെ​ന്ന് വെ​റ്റ​റി​ന​റി സ​ർ​ജ​ൻ ഡോ. ​നി​കേ​ഷ്‌ കി​ര​ൺ അ​റി​യി​ച്ചു.

ക​ടു​വ ക​ഴി​ഞ്ഞ ര​ണ്ടാ​ഴ്ച​യാ​യി ചി​കി​ത്സ​യി​ലാ​യി​രു​ന്നു. ക​ര​ൾ രോ​ഗ​ബാ​ധ നേ​ര​ത്തെ ത​ന്നെ ഉ​ള്ള​തു​കൊ​ണ്ട് മ​രു​ന്നു​ക​ളോ​ട് ശ​രീ​രം പ്ര​തി​ക​രി​ച്ചി​രു​ന്നി​ല്ല. 2025 ജ​നു​വ​രി​യി​ലാ​ണ് ജ​ന​വാ​സമേ​ഖ​ല​യി​ൽ ഭീതി ഉ​യർത്തിയ​തി​നെ തു​ട​ർ​ന്ന് സൗ​ത്ത് വ​യ​നാ​ട് ഫോ​റ​സ്റ്റ് ഡി​വി​ഷ​നി​ലെ അ​മ​രി​കു​നി മേ​ഖ​ല​യി​ൽ നി​ന്ന് ഈ ​ക​ടു​വ​യെ പി​ടി​കൂ​ടി​യ​ത്.


അമരക്കുനി തൂപ്ര ഭാഗത്ത് സ്ഥാപിച്ച കൂട്ടിൽ ജനുവരി 17-ന് പുലർച്ചെയാണ് കടുവ കുടുങ്ങിയത്. പ്രദേശത്ത് പല ആടുകളെയും കടുവ കൊന്നിരുന്നു. പി​ടി​കൂ​ടു​മ്പോ​ൾ പ​രി​ക്കേ​റ്റ നി​ല​യി​ലാ​യി​രു​ന്ന ക​ടു​വ​യെ ചി​കി​ത്സി​ച്ച് ഭേ​ദ​മാ​ക്കി​യെ​ങ്കി​ലും കോ​മ്പ​ല്ലു​ക​ൾ ന​ഷ്ട​പ്പെ​ട്ട​തി​നാ​ൽ കാ​ട്ടി​ലേ​ക്ക് തി​രി​ച്ചു​വി​ടാ​തെ മൃ​ഗ​ശാ​ല​യി​ൽ പു​ന​ര​ധി​വ​സി​പ്പി​ക്കു​ക​യാ​യി​രു​ന്നു. ദേ​ശീ​യ ക​ടു​വ സം​ര​ക്ഷ​ണ അ​തോ​റി​റ്റി​യു​ടെ (എ​ൻ​ടി​സി​എ) മാ​ർ​ഗ​നി​ർ​ദ്ദേ​ശ​ങ്ങ​ൾ അ​നു​സ​രി​ച്ച് ഡോ. ​ഹ​രീ​ഷ് സി (​പാ​ലോ​ട് എ​സ്ഐ​എ​ഡി), മൃ​ഗ​ശാ​ല വെ​റ്റ​റി​ന​റി സ​ർ​ജ​ൻ ഡോ. ​നി​കേ​ഷ് കി​ര​ൺ എ​ന്നി​വ​രു​ടെ നേ​തൃ​ത്വ​ത്തി​ലായിരുന്നു പോ​സ്റ്റ്മോ​ർ​ട്ടം. മൃഗ​ശാ​ല ഡ​യ​റ​ക്ട​ർ മ​ഞ്ജു​ളാ ദേ​വി അ​ന്തി​മോ​പ​ചാ​രം അ​ർ​പ്പി​ച്ചു.വൈ​കി​ട്ട് നാ​ലി​ന് മൃ​ത​ദേ​ഹം ദ​ഹി​പ്പി​ച്ചു.