മലപ്പുറം നിലമ്പൂര് രാമംകുത്തില് വീടിന്റെ തൂണ് ഇടിഞ്ഞുവീണ് ആറ് വയസുകാരന് മരിച്ചു. നിലമ്പൂര് രാമംകുത്ത് പാറേങ്ങല് മൊയ്തുവിന്റെ മകന് സിഫ്രാന് ആണ് മരിച്ചത്. വെള്ളിയാഴ്ച സിഫ്രാന്റെ ജന്മദിനമായിരുന്നു.
സിഫ്രാന്റെ വീടിന് സമീപത്തുള്ള ബന്ധുവീട്ടില് വെച്ചാണ് അപകടമുണ്ടായത്. വീടിന്റെ ടെറസില് കൂട്ടുകാര്ക്കൊപ്പം കളിച്ചുകൊണ്ടിരിക്കെയായിരുന്നു അപകടം. തുണികള് ഉണക്കാനായി നിര്മ്മിച്ച താല്ക്കാലിക അരഫില്ലറിലെ വെട്ടുകല്ലുകള് സിഫ്രാന്റെ തലയിലേക്ക് ഇടിഞ്ഞുവീഴുകയായിരുന്നു. കുട്ടികളുടെ നിലവിളി കേട്ടെത്തിയ രക്ഷിതാക്കള് ഉടന്തന്നെ സിഫ്രാനെ ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല.
