ചെന്നൈ: സുലൂരില് പത്ത് വയസ്സുകാരി ലൈംഗികാതിക്രമത്തിന് ഇരയായി മരിച്ച സംഭവത്തില് പ്രതികരിച്ച് നടനും രാജ്യസഭാ എം.പിയുമായ കമല്ഹാസന്. ഹൃദയഭേദകമായ സംഭവമാണ് നടന്നതെന്നും കുറ്റവാളികള്ക്ക് പരമാവധി ശിക്ഷ ഉറപ്പാക്കുകയും ചെയ്യണമെന്ന് കമല്ഹാസന് എക്സില് പങ്കുവച്ച പോസ്റ്റില് കുറിച്ചു.
'സുലൂരിനടുത്ത് 10 വയസ്സുകാരി ലൈംഗിക അതിക്രമത്തിന് ഇരയാകുകയും കൊലചെയ്യപ്പെടുകയും ചെയ്ത സംഭവം അതീവ ഹൃദയഭേദകമാണ്. കുറ്റവാളികളെ ഫാസ്റ്റ് ട്രാക്ക് കോടതിയിലൂടെ നിയമത്തിന് മുന്നില് കൊണ്ടുവരികയും അവര്ക്ക് പരമാവധി ശിക്ഷ ഉറപ്പാക്കുകയും വേണം. തങ്ങളുടെ പിഞ്ചുകുഞ്ഞിന് നേരിടേണ്ടി വന്ന ക്രൂരതയോര്ത്ത് ദുഃഖത്തില് തകര്ന്നിരിക്കുന്ന ആ കുടുംബത്തിന് അര്ഹമായ നഷ്ടപരിഹാരം നല്കണം. കുട്ടികള്ക്കും സ്ത്രീകള്ക്കും എതിരെയുള്ള കുറ്റകൃത്യങ്ങളെ ഇരുമ്പ് കൈകൊണ്ട് തന്നെ തകര്ക്കണം '', കമല്ഹാസന്റെ വാക്കുകള്.
சூலூர் அருகே 10 வயது நிரம்பிய சிறுமி பாலியல் வன்முறை செய்யப்பட்டு கொல்லப்பட்ட சம்பவம் மனம் கொதிக்கச் செய்கிறது. குற்றவாளிகளுக்கு விரைவு நீதிமன்றம் மூலம் அதிகபட்ச தண்டனை பெற்றுத்தர வேண்டும். தங்கள் செல்லமகளுக்கு நிகழ்ந்த கொடுமையை எண்ணி உருக்குலைந்து போயிருக்கும் குடும்பத்துக்கு…
— Kamal Haasan (@ikamalhaasan) May 23, 2026
വ്യാഴാഴ്ച വൈകിട്ടോടെ പെണ്കുട്ടിയെ കാണാതാവുകയായിരുന്നു. തുടര്ന്ന് വെളളിയാഴ്ച, സുലൂര് പ്രദേശത്തെ കണ്ണംപാളയം തടാകത്തിന് സമീപത്തുനിന്ന് മൃതദേഹം കണ്ടെത്തുകയായിരുന്നു. ദേഹത്ത് മുറിവുകളുണ്ടായിരുന്നു. സംഭവവുമായി ബന്ധപ്പെട്ട് കാര്ത്തിക്, മോഹന്രാജ് എന്നിവരെ പോലീസ് അറസ്റ്റ് ചെയ്തിട്ടുണ്ട്. സാധനങ്ങള് വാങ്ങാനിറങ്ങിയ പെണ്കുട്ടിയെ ഇവര് തട്ടിക്കൊണ്ടുപോവുകയും പിന്നീട് കൊലപ്പെടുത്തുകയുമായിരുന്നെന്നാണ് വിവരം.
