തിരുവനന്തപുരം: സൈബർകെണികളെ കുറിച്ച് അവബോധം വളർത്തുന്നതിനായി കേരള പൊലീസിന്റെ നേതൃത്വത്തിൽ ആരംഭിച്ച കിഡ് ഗ്ലോവ് പ്രോജക്ട് സംസ്ഥാനവ്യാപകമാക്കാൻ തീരുമാനം. ഇതിന്റെ സംസ്ഥാനത്തെ എല്ലാ പൊതുവിദ്യാലയങ്ങളിലും വിദ്യാർത്ഥികളെ കൊണ്ട് പ്രതിജ്ഞ ചൊല്ലിക്കും. പ്രവേശനോത്സവച്ചടങ്ങിലോ സ്കൂൾ അസംബ്ലിയിലോ ആയിരിക്കും പ്രതിജ്ഞ ചൊല്ലുക.
ഇന്ന് ഏറ്റവുമധികം വിദ്യാർത്ഥികളാണ് സൈബർ കെണിയ്ക്ക് ഇരകളാകുന്നത്. വിദ്യാർത്ഥികളെ കേന്ദ്രീകരിച്ച് നിരവധി ഓൺലൈൻ തട്ടിപ്പുകളും രജിസ്റ്റർ ചെയ്യുന്നുണ്ട്. തട്ടിപ്പിനിരയായി ജീവനൊടുക്കുന്നവരുടെ എണ്ണത്തിലും നേരിയ വർദ്ധനവ് രേഖപ്പെടുത്തുന്നു. ഇതിന്റെ ഭാഗമായാണ് വിദ്യാർത്ഥികളിൽ അവബോധം സൃഷ്ടിക്കുക ലക്ഷ്യമിട്ട് പൊലീസിന്റെ നേതൃത്വത്തിൽ പരിപാടി സംഘടിപ്പിക്കുന്നത്.
"ഇന്റർനെറ്റ് സുരക്ഷിതമായും ശരിയായ രീതി യിലും ഉപയോഗിക്കുമെന്ന് ഞാൻ പ്രതിജ്ഞ ചെയ്യുന്നു. എൻ്റെ പാസ്വേഡുകളും ഒ.ടി.പി.ക
ളും വ്യക്തിഗതവിവരങ്ങളും മറ്റ് വ്യക്തികളുമായി പങ്കുവക്കാതെ സൂക്ഷിക്കും.
ഓൺലൈനിൽ വരുന്ന ലിങ്കുകൾ, സന്ദേശങ്ങൾ, ഫയലുകൾ എന്നിവ തുറക്കുന്നതിനും പങ്കുവെക്കുന്നതിനും മുമ്പ് ഞാൻ ശ്രദ്ധയോടെ ചിന്തിക്കും. സൈബർ ബുള്ളിയിംഗ്, വ്യാജവാർത്തകൾ, മോശം ഉള്ളടക്കങ്ങൾ എന്നിവ ഞാൻ നിരുത്സാഹപ്പെടുത്തും.
സാമൂഹിക മാധ്യമങ്ങളിലും ഓൺലൈനിലും മറ്റുള്ളവരെ ഞാൻ മാനിക്കുകയും സൈബർനി യമങ്ങൾ പാലിക്കുകയും ചെയ്യും. സംശയാസ്പദ മായ ഓൺലൈൻ പ്രവർത്തനങ്ങൾ ഞാൻ മാ താപിതാക്കളെയോ അധ്യാപകരെയോ പോലീ സിനെയോ അറിയിക്കും"
