തിരുവനന്തപുരം: പ്രതിപക്ഷത്തിന്റെ ശക്തമായ എതിര്പ്പിനിടയിലും ധവളപത്രം മുഖ്യമന്ത്രി നിയമസഭയില് വെച്ചതിന് പിന്നാലെ നടന്നത് രൂക്ഷമായ വാദപ്രതിവാദങ്ങള്. ശക്തമായ വിയോജനമാണ് പ്രതിപക്ഷം രേഖപ്പെടുത്തിയത്. എന്നാല് സഭയുടെ എല്ലാ നടപടിക്രമവും പാലിച്ചാണ് ധവളപത്രം പുറത്തിറക്കിയത് എന്നും വിദഗ്ദ്ധരുടെ ഉപദേശം തേടിയാണ് തയ്യാറാക്കിയതെന്നും അതുകൊണ്ട് ഇത് രാഷ്ട്രീയരേഖ അല്ലെന്നും സംസ്ഥാനത്തിന്റെ നിലവിലെ സാമ്പത്തികസ്ഥിതിയാണെന്നും മുഖ്യമന്ത്രി പറഞ്ഞു.
നേരത്തേ മുന്ധനമന്ത്രി കെ.എന് ബാലഗോപാല് വിയോജനകുറിപ്പ് നല്കിയിരുന്നു. ഇതുവരെ കേരളത്തില് അവതരിപ്പിച്ച ധവളപത്രങ്ങളെല്ലാം രാഷ്ട്രീയരേഖകള് മാത്രമാണെന്നും ഇതാണ് യഥാര്ത്ഥ ധവളപത്രമെന്നും മുഖ്യമന്ത്രി പറഞ്ഞു. എന്നാല് മുഖ്യമന്ത്രി അവതരിപ്പിച്ച ധവളപത്രം രാഷ്ട്രീയരേഖയെന്ന് പ്രതിപക്ഷം ആരോപിച്ചു. ധനവകുപ്പാണ് ധവളപത്രം തയ്യാറാക്കേണ്ടത്. അതിന് പകരം പുറത്തെ ഏജന്സിയെ ഏല്പ്പിച്ചത് ഔദ്യോഗികരേഖകള് പുറത്തുപോകാന് കാരണമായി. വകുപ്പ് ഉദ്യോഗസ്ഥരെ വിശ്വാസത്തില് എടുത്തില്ലെന്നും എ ജിയ്ക്ക് പോലും കൊടുക്കാത്ത കണക്ക് പുറത്ത് കൊടുത്തത് ഭരണഘടനാലംഘനവും സത്യപ്രതിജ്ഞാ ലംഘനവുമാണ് നടത്തിയതെന്ന് പ്രതിപക്ഷം ആരോപിച്ചു.
ഉപദേശം തേടുന്നതില് വിദഗ്ദ്ധരെ സമീപിക്കുന്നതില് തെറ്റില്ല. പക്ഷേ ധവളപത്രം തയ്യാറാക്കേണ്ടത് വകുപ്പായിരിക്കണമെന്ന് പ്രതിപക്ഷ നേതാവ് പിണറായി വിജയന് പറഞ്ഞു. ഇതുവരെ കേരളത്തില് അവതരിപ്പിച്ചിട്ടുള്ള അഞ്ചു ധവളപത്രവും തയ്യാറാക്കിയത് ധനകാര്യവകുപ്പാണ്. എന്നാല് ഇപ്പോഴത്തേത് മാത്രം അങ്ങിനെയല്ല. അതുകൊണ്ട് ഇതാണ് ശരിക്കും പൊളിറ്റിക്കല് ഡോക്യുമെന്റെന്നും പറഞ്ഞു.
അതേസമയം ആരോപണം അടിസ്ഥാനരഹിതമെന്നും ഒരു രേഖയും പുറത്തുപോയിട്ടില്ലെന്നും അത് രാഷ്ട്രീയരേഖയല്ല എന്നും മുഖ്യമന്ത്രി പറഞ്ഞു. ഏത് നടപടിലംഘിച്ചുകൊണ്ടാണ് എന്ന് പ്രതിപക്ഷം വ്യക്തമാക്കണമെന്ന് മുഖ്യമന്ത്രിയും പറഞ്ഞു.നിയമസഭാ നടപടിക്രമങ്ങള് അനുസരിച്ചാണ് റിപ്പോര്ട്ട് മേശപ്പുറത്ത് വെച്ചത്. ധനകാര്യവകുപ്പിന്റെ നേതൃത്വത്തില് ക്യാബിനറ്റിന്റെ അനുമതിയോടെയാണ് ധവളപത്രം തയ്യാറാക്കിയത്. തേടിയത് വിദഗ്ദ്ധസഹായം മാത്രമാണ്. നിയമസഭാ നടപടികള് അനുസരിച്ച് റിപ്പോര്ട്ട് വെച്ച ശേഷമാണ് എതിര്പ്പ് പ്രകടിപ്പിക്കേണ്ടത്. അതിന് മുമ്പ് പ്രതിഷേധവുമായി എത്താന് പാടില്ല.
എല്ലാ വര്ഷവും ബജറ്റില് പ്രഖ്യാപിക്കുന്ന കാര്യമാണ്. ഇതില് രഹസ്യമായ ഒരുരേഖയും ഇല്ല. സാമ്പത്തീക വിദഗ്ദ്ധരുടെ പല നോട്ടുകളും പരിശോധിച്ചാണ് ധനവകുപ്പ് ഈ റിപ്പോര്ട്ട് െകാണ്ടുവന്നിരിക്കുന്നത്. എല്ലാ നടപടിക്രമവും പാലിച്ചിട്ടുണ്ട്. ഇതില് ഏതു നടപടിക്രമമാണ് തെറ്റിയത് എന്ന് പ്രതിപക്ഷം പറയുന്നില്ലെന്നും നടപടിക്രമത്തിന്റെ ലംഘനം ഉണ്ടായിരിക്കുന്നു എന്ന കാര്യമാണ് ചൂണ്ടിക്കാട്ടിയതെന്നും പറഞ്ഞു.
