നസ്ലിന് നായകനായി തിയേറ്ററുകളിലെത്തിയ പുതിയ ചിത്രമാണ് ' മോളിവുഡ് ടൈംസ്. അഭിനവ് സുന്ദര് നായക് സംവിധാനം ചെയ്ത ചിത്രത്തിന് മികച്ച പ്രതികരണങ്ങളാണ് ലഭിക്കുന്നത്. ഇപ്പോഴിതാ സിനിമ സെന്സര് ബോര്ഡിനെ കബളിപ്പിച്ചുവെന്ന റിപ്പോര്ട്ടുകളാണ് പുറത്തുവരുന്നത്.
തെറി മ്യൂട്ട് ചെയ്താണ് ചിത്രം സെന്സര് ചെയ്തത്. എന്നാല് ചിത്രം തിയേറ്ററില് പ്രദര്ശിപ്പിച്ചത് തെറി ഉള്പ്പെടുത്തിയായിരുന്നു. പരാതിയില് സെന്സര് ബോര്ഡ് അന്വേഷണം ആരംഭിച്ചു. തെളിവ് ശേഖരിച്ച ശേഷം നിര്മ്മാതാവിന് നോട്ടീസ് നല്കും. സിനിമാട്ടോഗ്രാഫ് ആക്ട് പ്രകാരം മൂന്ന് വര്ഷം വരെ തടവും പത്ത് ലക്ഷം രൂപ പിഴയും ലഭിക്കാവുന്ന കുറ്റമാണിത്.
ഷറഫുദ്ധീന്, റോഷന്, സംഗീത് പ്രതാപ്, ജഗദീഷ് എന്നിവരാണ് ചിത്രത്തില് മറ്റ് പ്രധാന വേഷങ്ങളിലെത്തുന്നത്. ആഷിഖ് ഉസ്മാന് പ്രൊഡക്ഷന്സിന്റെ ബാനറില് ആഷിഖ് ഉസ്മാന് ആണ് ചിത്രത്തിന്റെ നിര്മ്മാണം.
