ശിഷ്യയുടെ അരങ്ങേറ്റത്തിന് ജതി പാടി നടിയും നര്ത്തകിയുമായ ശോഭന. തന്റെ ഗുരുവായ ചിത്ര വിശ്വേശ്വരന് ആദ്യമായി പഠിപ്പിച്ച ജതിയാണ് ഇതെന്നു പറഞ്ഞാണ് ശോഭന ഇന്സ്റ്റഗ്രാമില് സ്റ്റോറി പങ്കുവെച്ചത്. ജതി പാടുന്നതിന്റെ വീഡിയോയും ശോഭന പങ്കുവെച്ചു.
‘അക്ഷിത നാരായണന്റെ അരങ്ങേറ്റം. അവള് അതുമനോഹരമായി പൂര്ത്തിയാക്കി. എന്റെ കാല്മുട്ടുകളും. ഇതിലും എളുപ്പം രണ്ടുമണിക്കൂര് നൃത്തം ചെയ്യുന്നതായിരുന്നു ’എന്ന അടിക്കുറിപ്പോടെയാണ് ജതി പാടുന്നതിന്റെ വീഡിയോ ശോഭന പങ്കുവെച്ചത്.
ചെന്നൈയിലെ ശോഭനയുടെ നൃത്ത വിദ്യാലയമായ കലാര്പ്പണയില് നടന്ന അരങ്ങേറ്റത്തിനിടെയാണ് ഗുരു കൂടിയായ ശോഭന ജതി പാടിയത്. മനോഹരമായ നൃത്തച്ചുവടുകള്ക്കൊപ്പമുളള അതിമനോഹരമായ ജതി പാടുന്ന ശോഭനയുടെ മുഖത്തു മിന്നി മായുന്ന ഭാവങ്ങളും മനോഹരമാണ്.
