കാസര്കോട്: സിപിഐഎം കണ്ണൂര് ജില്ലാ നേതൃയോഗത്തിനെതിരെ കാസര്ഗോഡ് ജില്ലാ കമ്മിറ്റി യോഗത്തില് രൂക്ഷവിമര്ശനം. കണ്ണൂര് ജില്ലാ കമ്മിറ്റി പിരിച്ചുവിട്ട് പകരം സംവിധാനം ഒരുക്കുന്നതാണ് നല്ലതെന്ന് അംഗങ്ങള് വിമര്ശിച്ചു. കണ്ണൂര് ജില്ലാകമ്മിറ്റി പിരിച്ചുവിട്ടില്ലെങ്കില് പാര്ട്ടിയുടെ അന്ത്യം കാണുമെന്നായിരുന്നു അംഗങ്ങളുടെ വിമര്ശനം.
പയ്യന്നൂരില് അടക്കം സംഘടനാ നടപടിയിലൂടെ തിരുത്തല് വേണമെന്ന ആവശ്യവും ഉയര്ന്നു. തളിപ്പറമ്പില് തെറ്റുപറ്റിയെന്ന വിലയിരുത്തല് അണികളോട് വിശദീകരണം. വെള്ളാപ്പള്ളി നടേശനുമായി ബന്ധപ്പെട്ട തിരുത്തല് വൈകിപ്പോയെന്നും തെരഞ്ഞെടുപ്പ് റിവ്യൂ റിപ്പോര്ട്ടിംഗ് യോഗത്തില് വിമര്ശനം ഉയര്ന്നിരുന്നു.
വെള്ളാപ്പള്ളി നടേശന്റെ മുസ്ലിം വിരുദ്ധ നിലപാടുകളെ ഏറെ ശക്തമായി പ്രതിരോധിച്ചില്ല എന്ന അവബോധം ന്യൂനപക്ഷ വിഭാഗങ്ങള്ക്കിടയില് രൂപപ്പെട്ടുവെന്നും വെള്ളാപ്പള്ളി നടത്തിയ പരാമര്ശത്തെ പാര്ട്ടി തള്ളിപ്പറഞ്ഞത് തന്നെയാണെന്നും എം വി ഗോവിന്ദന് പറഞ്ഞിരുന്നു.
