സോഷ്യല് മീഡിയ ഉപയോഗിക്കുന്നവര്ക്ക് സുപരിചതമായ മുഖമാണ് രേണു സുധിയുടേത്. തനിക്ക് കാന്സറാണെന്നും രോഗം ഇപ്പോള് മൂന്നാം ഘട്ടത്തിലാണെന്നും അടുത്തിടെ ഒരു ഇന്റര്വ്യൂവില് രേണു സ്ഥിരീകരിച്ചിരുന്നു. നിലവില് ചികിത്സ ആരംഭിച്ച രേണു തന്റെ ആരോഗ്യ വിവരങ്ങള് സോഷ്യല് മീഡിയയിലൂടെ ആരാധകരുമായി പങ്കുവയ്ക്കുന്നുണ്ട്. കോട്ടയം മെഡിക്കല് കോളേജിലാണ് താരം ചികിത്സ തേടുന്നത്. കീമോ ആരംഭിക്കുന്നതിന് മുേന്നാടിയായി കഴിഞ്ഞ ദിവസം ശരീരത്തില് പിക് ലൈന് ഇട്ടതായി രേണു അറിയിച്ചിരുന്നു. ശരീരത്തിലാകെ വേദനയാണെന്നും മുഖത്തൊക്കെ പാടുകള് വന്ന് തുടങ്ങിയെന്നും വീഡിയോയില് രേണു പറഞ്ഞു.
വേദനയുമായി കിടക്കയില് കിടക്കുമ്പോള് ഞാന് പാട്ട് പാടി ആശ്വസിക്കാറുണ്ട്. ആ പാട്ട് നിങ്ങളില് പലര്ക്കും അറിയുമായിരിക്കും. എങ്കിലും ഞാന് എന്റെ രീതിയില് പാടുകയാണ് എന്ന് പറഞ്ഞാണ് രേണുവിന്റെ പുതിയ വീഡിയോ. ' യേശു എന് അടിസ്ഥാനം ആശ അവനിലത്രേ' എന്ന ക്രിസ്ത്രീയ ഭക്തിഗാനമാണ് രേണു പാടിയത്. പാട്ട് പാടിയശേഷം എല്ലാവരും തനിക്ക് വേണ്ടി പ്രാര്ത്ഥിക്കണം. ഞാനും നിങ്ങള്ക്ക് വേണ്ടി പ്രാര്ത്ഥിക്കും. പിക് ലൈന് ഇട്ടയിടത്ത് ചെറുതായി ബ്ലീഡിങുണ്ട്. വേദനയാണ് എന്നും രേണു പറഞ്ഞു.
രേണുവിന്റെ വീഡിയോയ്ക്ക് താഴെ നിരവധി പേരാണ് ആശ്വാസവാക്കുകളുമായി എത്തുന്നത്. ' ചേച്ചി ഒറ്റയ്ക്കല്ല. നിങ്ങളെ സ്നേഹിക്കുന്നവരുടെ പ്രാര്ത്ഥനകള് എന്നും കൂടെയുണ്ട്' , ' ഈ സമയവും കടന്നു പോകും. വേഗം സുഖം പ്രാപിക്കട്ടെ' എന്നിങ്ങനെയാണ് ആരാധകരുടെ കമന്റുകള്.
