നടനും തമിഴ്നാട് മുഖ്യമന്ത്രിയുമായ വിജയ്യുടെ 52-ാം ജന്മദിനമാണിന്ന്. വിജയ്ക്ക് പിറന്നാള് ആശംസകള് അറിയിച്ച് നടന്മാരായ മമ്മൂട്ടിയും, മോഹന്ലാലും പങ്കുവച്ച പോസ്റ്റ് സോഷ്യല് മീഡിയയില് ശ്രദ്ധ നേടുകയാണ്.
'' ബഹുമാനപ്പെട്ട തമിഴ്നാട് മുഖ്യമന്ത്രി ശ്രീ വിജയ്ക്ക് ജന്മദിനാശംസകള്. അങ്ങേക്ക് എപ്പോഴും ആരോഗ്യവും സന്തോഷവും സമാധാനവും ഉണ്ടാകട്ടെ എന്ന് ആശംസിക്കുന്നു'', മോഹന്ലാല് കുറിച്ചു.
ബഹുമാനപ്പെട്ട തമിഴ്നാട് മുഖ്യമന്ത്രി വിജയ്ക്ക് ഹൃദയം നിറഞ്ഞ ജന്മദിനാശംസകള്. അങ്ങേക്ക് നല്ല ആരോഗ്യവും സന്തോഷവും തുടര്വിജയങ്ങളും ഉണ്ടാകട്ടെ എന്ന് ആശംസിക്കുന്നു. വരാനിരിക്കുന്ന വര്ഷം അങ്ങേക്ക് അങ്ങേയറ്റം മനോഹരമാകട്ടെ- എന്നാണ് നടന് മമ്മൂട്ടിയുടെ വാക്കുകള്.
സിനിമാ രംഗത്ത് നിന്നും നിരവധിപ്പേരാണ് വിജയ്ക്ക് ജന്മദിനാശംസകള് അറിയിച്ച് രംഗത്തെത്തുന്നത്. ''ജന്മദിനാശംസകള്, വിജയ് അണ്ണാ. വളരെ കുറച്ച് യാത്രകള് മാത്രമേ സ്ക്രീനിനെ മറികടന്ന് ആളുകളുടെ ജീവിതത്തില് ഇടം കണ്ടെത്തുന്നുള്ളൂ. നിങ്ങളുടേത് അതിലൊന്നാണ്. നിങ്ങള്ക്ക് സന്തോഷം, നല്ല ആരോഗ്യം, നിങ്ങള് ചെയ്യുന്ന എല്ലാ കാര്യങ്ങളിലും തുടര്ച്ചയായ വിജയം എന്നിവ നേരുന്നു'', നടന് ദുല്ഖര് സല്മാന് കുറിച്ചത്. വിജയ്ക്കൊപ്പമുളള ചിത്രവും താരവും പങ്കുവച്ചിട്ടുണ്ട്.
