കൊട്ടാരക്കര: മണ്ണുകയറ്റിവന്ന നിയന്ത്രണം വിട്ട ടിപ്പര് ബസ് സ്റ്റോപ്പിലേക്ക് ഇടിച്ചുകയറി വന് അപകടം. മൂന്ന് പേര് മരണമടഞ്ഞതായും രണ്ടുപേരുടെ നില ഗുരുതരമാണെന്നുമാണ് വിവരം. കൊട്ടാരക്കര-കൊല്ലം റൂട്ടിലെ നീലേശ്വരത്താണ് അപകടമുണ്ടായത്. നിയന്ത്രണം വിട്ട ടിപ്പര് സ്റ്റോപ്പില് ഉണ്ടായിരുന്ന ബൈക്കില് ഇടിച്ചശേഷം സ്റ്റോപ്പിലേക്ക് പാഞ്ഞുകയറി മതിലും ഇടിച്ചുതകര്ത്ത് മറിയുകയായിരുന്നു.
അപകടസമയത്ത് ബസ് സ്റ്റോപ്പില് 8 പേര് ഉണ്ടായിരുന്നു എന്നാണ് വിവരം. വാഹനം പൂര്ണ്ണമായും തകര്ന്നു. സംഭവത്തില് നാലു വിദ്യാര്ത്ഥികള് ഉള്പ്പെടെ അഞ്ചുപേര് അപകടത്തില് പെട്ടതായും എല്ലാവരുടേയും നില ഗുരുതരമാണെന്നുമാണ് വിവരം. പരിക്കേറ്റവരെ സമീപത്തെ ആശുപത്രിയില് പ്രവേശിപ്പിച്ചതായിട്ടാണ് വിവരം. വാഹനത്തില് ഉണ്ടായിരുന്ന മണ്ണും ഇടിച്ചുകയറിയ മതിലിന്റെ അവശിഷ്ടങ്ങളും ബസ് കാത്തുനിന്നവരുടെ മുകളിലേക്ക് മറിഞ്ഞതായിട്ടാണ് പ്രാഥമിക വിവരം. ഫയര്ഫോഴ്സ് സ്ഥലത്ത് എത്തി രക്ഷാപ്രവര്ത്തനം നടത്തുന്നുണ്ട്.
മരണസംഖ്യ ഉയര്ന്നേക്കുമെന്നാണ് വിവരം. മണ്ണുമാറ്റിയാണ് അടിയില്പെട്ടവരെ പുറത്തെടുത്തത്. മണ്ണുമാറ്റി പരിശോധന തുടരുകയാണ്. അപകടത്തില്പെട്ട നാലുപേര് വിദ്യാര്ത്ഥികളാണ്. മണ്ണിനടിയില് ഇനി ആളുണ്ടോ എന്ന് അറിയേണ്ടതുണ്ട്. അപകടസമയത്ത് ഉണ്ടായിരുന്ന എട്ടുപേരില് ഏഴുപേര് വിദ്യാര്ത്ഥികളാണ്. ഒരു മുതിര്ന്നയാളും അപകടസമയത്ത് സ്ഥലത്ത് ഉണ്ടായിരുന്നു. മണ്ണ് പൂര്ണ്ണമായും മാറ്റിയിട്ടുണ്ട്്.
