മഞ്ഞുമ്മല് ബോയ്സ് എന്ന സൂപ്പര്ഹിറ്റ് ചിത്രത്തിന് ശേഷം ചിദംബരം സംവിധാനം ചെയ്ത ചിത്രമാണ് ' ബാലന്: ദി ബോയ്' . മികച്ച പ്രതികരണങ്ങളാണ് ചിത്രത്തിന് തിയേറ്ററുകളില് നിന്നും ലഭിക്കുന്നത്. ഇപ്പോഴിതാ ചിത്രത്തെ പ്രശംസിച്ച് രംഗത്തെത്തിയിരിക്കുകയാണ് നടി രാധിക ശരത്കുമാര്. തീര്ച്ചയായും കണ്ടിരിക്കേണ്ട ഗംഭീര ചിത്രമെന്നാണ്് രാധിക ശരത്കുമാര് ബാലനെക്കുറിച്ച് പറയുന്നത്. സംവിധായകന് ചിദംബരം , തിരക്കഥാകൃത്ത് ജിത്തു മാധവന്, അഭിനേതാക്കള് തുടങ്ങി സിനിമയുടെ അണിയറപ്രവര്ത്തകരെ താരം അഭിനന്ദിക്കുകയും ചെയ്തു.
'' ഒരു ഗംഭീര ചിത്രം, തീര്ച്ചയായും കണ്ടിരിക്കേണ്ട സിനിമ, മഞ്ഞുമ്മല് ബോയ്സിന്റെ സംവിധായകന് ചിദംബരം ഒരുക്കിയ ചിത്രം. അതിമനോഹരമായി നിര്മ്മിച്ച ചിത്രം, ജിത്തുവിന്റെ എഴുത്തിലെ ഒരു ക്ലാസ്, എല്ലാവരുടെയും അതിശയകരമായ പ്രകടനങ്ങള്. തികച്ചും പുതുമയാര്ന്നതും തനതായ ലോകം തന്നെയുളളതുമായ ചിത്രം. ആദ്യ ഫ്രെയിം മുതല് നമ്മളെ ആകര്ഷിക്കും, ബാലന്റെ ആ യാത്ര. ഈ ചിത്രത്തിന് അര്ഹിക്കുന്ന എല്ലാ അംഗീകാരങ്ങളും പ്രശംസകളും ലഭിക്കട്ടെ എന്ന് ഞാന് ആത്മാര്ത്ഥമായി ആഗ്രഹിക്കുന്നു''- രാധിക ശരത്കുമാറിന്റെ വാക്കുകള്.
ഫര്സാന, ആദിശേഷ്, ടൊവിനോ തോമസ്, ജീന് പോള് ലാല് എന്നിവരാണ് ചിത്രത്തില് മറ്റ് പ്രധാന വേഷങ്ങളിലെത്തുന്നത്. ജിത്തു മാധവന് തിരക്കഥ രചിച്ച ചിത്രത്തിന് ഷൈജു ഖാലിദ് ഛായാഗ്രഹണം നിര്വഹിച്ചിരിക്കുന്നു. സുഷിന് ശ്യാമിന്റേതാണ് സംഗീതം.
