കൊച്ചി: താരസംഘടനയായ അമ്മയുടെ നേതൃനിരയിലേക്ക് വരാന് താന് ആഗ്രഹിക്കുന്നില്ലെന്ന് നടി അന്സിബ ഹസന്. പുതിയ തുടക്കങ്ങള്ക്കായി വഴിമാറുന്നുവെന്നും മാറ്റം അനിവാര്യമാണെന്നും അന്സിബ വ്യക്തമാക്കി.
'' എന്റെ ജീവിത യാത്രയില് എനിക്ക് ലഭിച്ച വലിയ അംഗീകാരം നിങ്ങളുടെ സ്നേഹവും പിന്തുണയുമാണ്. അതിന് വാക്കുകള് കൊണ്ട് നന്ദി പറയുന്നത് അപൂര്ണ്ണമായിരിക്കും. ഒപ്പം നില്ക്കുന്ന ഓരോരുത്തരുടെയും ഹൃദയത്തില് എനിക്ക് ലഭിച്ച ഈ സ്ഥാനമാണ് എന്റെ ഏറ്റവും വലിയ പുരസ്കാരം. അമ്മ സംഘടനയുമായി ബന്ധപ്പെട്ട്, ഇനി ഒരു ഭാരവാഹിത്വത്തിലേക്ക് മത്സരിക്കാനോ സ്ഥാനങ്ങള് വഹിക്കാനോ ഞാന് ആഗ്രഹിക്കുന്നില്ല, സംഘടനയുടെ ഭാവി പ്രവര്ത്തനങ്ങള് മികച്ച രീതിയില് മുന്നോട്ടു പോകട്ടെ എന്ന് ആശംസിക്കുന്നു. ശക്തവും, കരുണയും, ആര്ജജവവുമുള്ള ഒരു പുതിയ യുവനിര ഇതിനായി കടന്നുവരട്ടെ. എല്ലാവര്ക്കും ഹൃദയം നിറഞ്ഞ നന്ദി'' അന്സിബ ഫേസ്ബുക്കില് പങ്കുവച്ച പോസ്റ്റില് കുറിച്ചു.
ഞായറാഴ്ച നടന്ന അമ്മയിലെ ജനറല് ബോഡി യോഗത്തിലെ തര്ക്കങ്ങള്ക്കും നാടകീയരംഗങ്ങള്ക്കുമൊടുവിലാണ് ഭരണസിമിതി ഒന്നടങ്കം രാജിവെച്ചത്. പ്രസിഡന്റ് ശ്വേതാ മേനോനും ജനറല് സെക്രട്ടറി കുക്കു പരമേശ്വരനുമടക്കം 17 അംഗ ഭരണസമിതിയിലെ എല്ലാവരും രാജിവെച്ചു. അഡ്ഹോക്ക് കമ്മിറ്റിയില് നിന്നും ആശ അരവിന്ദും രാജിവെച്ചിരുന്നു
