കാസർഗോഡ്: ആർ.എസ്.എസ് ശതാബ്ദി ആഘോഷങ്ങളുടെ ഭാഗമായി കാഞ്ഞങ്ങാട്ട് സംഘടിപ്പിച്ച പരിപാടിയിൽ പെരിയയിലെ കേരള കേന്ദ്ര സർവകലാശാല വൈസ് ചാൻസലർ സിദ്ധു പി. അൽഗൂർ പങ്കെടുത്തു. പരിപാടിയിലെ മുഖ്യാതിഥിയായാണ് അദ്ദേഹം വേദിയിലെത്തിയത്.
ആർ.എസ്.എസ് ശതാബ്ദിയോടനുബന്ധിച്ച് സംഘടിപ്പിച്ച ചടങ്ങിൽ വൈസ് ചാൻസലറുടെ സാന്നിധ്യം ശ്രദ്ധേയമായി. കാഞ്ഞങ്ങാട്ട് നടന്ന പരിപാടിയിൽ വിവിധ മേഖലകളിൽ നിന്നുള്ള പ്രമുഖരും പങ്കെടുത്തു.
കാഞ്ഞങ്ങാട്ടെ ഒരു സ്വകാര്യ ഹോട്ടലിൽ വെച്ചായിരുന്നു ആർ.എസ്.എസ് ജില്ലാ ഘടകത്തിന്റെ ശതാബ്ദി ആഘോഷങ്ങളുടെ ഭാഗമായി പരിപാടി സംഘടിപ്പിച്ചത്. ‘സാഗർ വൈചാരിക സദസ്’ എന്ന പേരിൽ ബുധനാഴ്ച വൈകുന്നേരം നടന്ന പരിപാടിയിൽ പ്രത്യേകമായി ക്ഷണിക്കപ്പെട്ട അതിഥികൾ മാത്രമാണ് പങ്കെടുത്തത്.
വിവിധ വിഷയങ്ങളിലെ ചർച്ചകളും സംവാദങ്ങളും ഉൾപ്പെടുത്തിയ സദസിൽ പെരിയയിലെ കേരള കേന്ദ്ര സർവകലാശാല വൈസ് ചാൻസലർ സിദ്ധു പി. അൽഗൂർ മുഖ്യാതിഥിയായി പങ്കെടുത്തു. ആർ.എസ്.എസ് ശതാബ്ദി ആഘോഷങ്ങളുടെ ഭാഗമായാണ് പരിപാടി സംഘടിപ്പിച്ചത്.
