ശബരിമല സ്വർണക്കൊള്ള കേസിൽ പ്രത്യേക അന്വേഷണ സംഘത്തിന്റെ (എസ്ഐടി) പ്രവർത്തനത്തിൽ സർക്കാർ ഇടപെട്ടിട്ടില്ലെന്ന് ദേവസ്വം മന്ത്രി കെ. മുരളീധരൻ വ്യക്തമാക്കി. എൽഡിഎഫ് ഭരണകാലത്തെ എല്ലാ ദേവസ്വം ബോർഡ് ഭരണസമിതികളും അന്വേഷണ പരിധിയിലാണെന്നും, വ്യക്തികൾ നടത്തിയ പ്രവൃത്തികൾക്ക് മുഖ്യമന്ത്രിയെ കുറ്റപ്പെടുത്തുന്നതിൽ അർഥമില്ലെന്നും അദ്ദേഹം പറഞ്ഞു.
തനിക്ക് ലഭിച്ച പരാതികൾ പോലും എസ്ഐടിക്ക് കൈമാറുകയാണ് ചെയ്തതെന്നും, അയ്യപ്പന്റെ സ്വർണം തട്ടിയെടുത്തവരെ നിയമത്തിന് മുന്നിൽ കൊണ്ടുവരുമെന്നും മന്ത്രി വ്യക്തമാക്കി.
എസ്ഐടി സമർപ്പിച്ച വിശദമായ റിപ്പോർട്ടിന്റെ അടിസ്ഥാനത്തിലാണ് ഹൈക്കോടതിയുടെ ദേവസ്വം ബെഞ്ച് ഇടക്കാല ഉത്തരവ് പുറപ്പെടുവിച്ചത്. 2025-ലെ സ്വർണക്കൊള്ള കേസിൽ മുൻ ദേവസ്വം ബോർഡ് പ്രസിഡന്റ് പി.എസ്. പ്രശാന്ത് ഉൾപ്പെടെ ഏഴ് പേരുടെ പങ്ക് വ്യക്തമായതായി എസ്ഐടി റിപ്പോർട്ടിൽ പറയുന്നു. മുരാരി ബാബുവാണ് ഒന്നാം പ്രതി. ഉണ്ണികൃഷ്ണൻ പോറ്റി രണ്ടാം പ്രതിയാണ്. പങ്കജ് ഭണ്ഡാരി, അഡ്വ. എ. അജികുമാർ, തന്ത്രി കണ്ടരര് രാജീവർ, രജിലാൽ എന്നിവരാണ് മറ്റ് പ്രതികൾ.
