വാഷിങ്ടണ്: 23ആന്ഡ്മി ഡേറ്റാ ചോര്ച്ചയിലെ ഇരകള്ക്ക് 47 മില്യണ് ഡോളര്(ഏകദേശം 450 കോടി രൂപ) നഷ്ടപരിഹാരം നല്കാന് ഉത്തരവ്. പ്രമുഖ ജനറ്റിക്സ് ടെസ്റ്റിങ് കമ്പനിയായ 23ആന്ഡ്മി'യില് 2023-ലാണു ഡേറ്റാ ചോര്ച്ച ഉണ്ടായത്.
കഴിഞ്ഞ വര്ഷം 23ആന്ഡ്മി പാപ്പരായതിനെത്തുടര്ന്ന് അതിന്റെ നിയന്ത്രണം ക്രോം ഹോള്ഡിങ് ഏറ്റെടുത്തിരുന്നു. അവര്ക്കാണ് ഇനി നഷ്ടപരിഹാരം നല്കാനുള്ള ഉത്തരവാദിത്വം. കാലിഫോര്ണിയ ബാങ്ക്റപ്റ്റ്സി (പാപ്പരത്ത) കോടതിയുടേതാണ് ഉത്തരവ്.
ഡി.എന്.എ. (ഡി.എന്.എ) പരിശോധനാ കിറ്റുകളിലൂടെ ആളുകളുടെ ജനിതക വിവരങ്ങള് ശേഖരിക്കുന്ന കമ്പനിയാണ് 23ആന്ഡ്മി. എന്നാല് 2023-ലെ ഹാക്കിങ്ങിലൂടെ 69 ലക്ഷം)ആളുകളുടെ വിവരങ്ങള് ചോരുകയായിരുന്നു.
ടിടിഎഎം റിസര്ച്ച് ഇന്സ്റ്റിറ്റ്യൂട്ട് എന്ന പേരില് പ്രവര്ത്തിക്കുന്ന ക്രോം ഹോള്ഡിങ് കമ്പനി, 23ആന്ഡ്മി-യുടെ സഹസ്ഥാപകയായ ആനി വോജിസ്കിയാണു നടത്തുന്നത്. കഴിഞ്ഞ വര്ഷം നടന്ന പാപ്പരത്ത ലേലത്തില് 30 കോടി ഡോളര് ബിഡ് ചെയ്താണ് അവര് കമ്പനിയുടെ ആസ്തികള് സ്വന്തമാക്കിയത്. അഞ്ച് പ്രവൃത്തിദിനങ്ങള്ക്കുള്ളില്, ഇരകളെ പ്രതിനിധീകരിക്കുന്ന ക്രോള് റീസ്ട്രക്ചറിങ്ങിന് നഷ്ടപരിഹാര തുക നല്കണം.
തുടര്ന്ന് ക്രോള് ഈ തുക ഇരകള്ക്ക് വീതിച്ചു നല്കും. കോര്പ്പറേറ്റ് പാപ്പരത്ത നടപടികളില് ക്രോള് പോലുള്ള കമ്പനികളെ നിയമിക്കുന്നത് സാധാരണമാണ്. എത്ര പേര്ക്കാണു നഷ്ടപരിഹരം ലഭിക്കുന്നതെന്നു വ്യക്തമല്ല.
ഹാക്കര്മാര് ഏകദേശം 14,000 ഉപയോക്താക്കളുടെ അക്കൗണ്ടുകളിലേക്ക് കടന്നുകയറിയതിന് 18 മാസങ്ങള്ക്ക് ശേഷം, കഴിഞ്ഞ വര്ഷം ആദ്യമാണ് 23ആന്ഡ്മി പാപ്പരത്ത ഹര്ജി ഫയല് ചെയ്തത്.
തങ്ങളുടെ ഡി.എന്.എ. സമര്പ്പിച്ച ആളുകളുടെ ആരോഗ്യം, കുടുംബ ചരിത്രം എന്നിവയുമായി ബന്ധപ്പെട്ട ജനിതക അടയാളങ്ങള് ഉള്പ്പെടെയുള്ള സമഗ്രമായ വിവരങ്ങള് കമ്പനി സൂക്ഷിച്ചിരുന്നതിനാല്, ചോര്ന്ന വിവരങ്ങളില് പലതും വളരെ വ്യക്തിപരമായിരുന്നു.
ഹാക്ക് ചെയ്യപ്പെട്ട അക്കൗണ്ടുകളുടെ എണ്ണം 23ആന്ഡ്മി ഉപയോക്താക്കളുടെ ആകെ എണ്ണത്തിന്റെ ഒരു ചെറിയ ഭാഗം മാത്രമായിരുന്നെങ്കിലും, ഈ ഉപയോക്താക്കളുടെ ബന്ധുക്കളുടെ പ്ര?ഫൈലുകളിലേക്കും പ്രവേശിക്കാന് ഹാക്കര്മാര്ക്ക് കഴിഞ്ഞു. ഇതോടെയാണ് ലക്ഷക്കണക്കിന് ആളുകളുടെ വിവരങ്ങള് ഹാക്കര്മാരുടെ കൈകളിലെത്തിയത്. ഡേറ്റാ ചോര്ച്ച അന്വേഷണങ്ങള്ക്കും പിഴകള്ക്കും കാരണമായി. യു.കെയിലെ ഇന്ഫര്മേഷന് കമ്മീഷണറുടെ ഓഫീസ് കമ്പനിക്ക് 23.1 ലക്ഷം പൗണ്ട് പിഴ ചുമത്തിയിരുന്നു.
സംഭവം നടക്കുന്നതിന് മുമ്പ് തന്ത്രപ്രധാനമായ ഉപയോക്തൃ വിവരങ്ങള് സുരക്ഷിതമാക്കാന് 23ആന്ഡ്മി മതിയായ നടപടികള് സ്വീകരിച്ചിരുന്നില്ലെന്ന് ആരോപണം ഉയര്ന്നിരൃനളനൃഴ
ഒരു കാലത്ത് 600 കോടി ഡോളര് മൂല്യമുണ്ടായിരുന്ന കമ്പനിയാണ് 23ആന്ഡ്മി. 2006-ല് ആരംഭിച്ച് 2021-ല് പബ്ലിക് ലിസ്റ്റിങ് നടത്തിയെങ്കിലും, കമ്പനിക്ക് ഇതുവരെ ലാഭമുണ്ടാക്കാന് കഴിഞ്ഞിട്ടില്ല.
