മിനീസ്ക്രീന്- ബിഗ് സ്ക്രീന് പ്രേക്ഷകര്ക്ക് സുപരിചിതയാണ് നടി ഗായത്രി അരുണ്. അഭിനയത്തിന് പുറമെ എഴുത്തുകാരിയുമാണ് ഗായത്രി. സോഷ്യല് മീഡിയയില് സജീവമായ ഗായത്രി അരുണ് തന്റെ വിശേഷങ്ങളെല്ലാം ആരാധകരുമായി പങ്കുവയ്ക്കാറുണ്ട്.
ഇപ്പോഴിതാ തന്റെ നെയില് ആര്ട്ട് സ്റ്റുഡിയോ 2 വര്ഷം പിന്നിട്ട സന്തോഷമാണ് ഗായത്രി പങ്കിട്ടിരിക്കുന്നത്. ' Nail It' എന്നാണ് സ്റ്റുഡിയോയുടെ പേര്.
''നെയില് ഇറ്റ് ഇന്ന് രണ്ട് വര്ഷം പൂര്ത്തിയാക്കിയിരിക്കുന്നു. ഞങ്ങള് മൂന്നാം വര്ഷത്തിലേക്ക് കടക്കുമ്പോള്, ഈ യാത്രയില് ഉടനീളം എന്നോടൊപ്പം നിന്ന എല്ലാവരോടും നന്ദി പറയാന് ഞാന് ആഗ്രഹിക്കുന്നു.
ഒരു ബിസിനസ്സ് തുടങ്ങുന്നതിനെക്കുറിച്ച് ഞാന് ഒരിക്കലും സ്വപ്നം കണ്ടിരുന്നില്ല. ഒരു ദിവസം പെട്ടെന്നാണ് 'നെയില് ഇറ്റ്' എന്ന ആശയം മനസ്സില് വന്നത്, അരുണ് ആ സ്വപ്നത്തിന് ചിറകുകള് നല്കി. ഏതാനും മാസങ്ങള്ക്കുള്ളില് 'നെയില് ഇറ്റ്' ഒരു യാഥാര്ത്ഥ്യമായി മാറി. എന്റെ കുടുംബം, സുഹൃത്തുക്കള്, പ്രിയേച്ചി ആന്ഡ് ടീം, ഒരു തൂണ് പോലെ എന്നോടൊപ്പം ഉറച്ചുനിന്ന എന്റെ പ്രിയപ്പെട്ട നെയില് ഇറ്റ് ടീം എന്നിവര്ക്ക് നന്ദി.
ഇതെല്ലാം സാധ്യമാക്കിയ ഞങ്ങളുടെ പ്രിയപ്പെട്ട ഉപഭോക്താക്കള്, സുമിനും വിഷറി ടീമും, ടീം ഒറെസ്റ്റസ്. മുട്ടം ബാങ്ക് സെക്രട്ടറിയും അവിടുത്തെ മുഴുവന് ടീമും, കൂടാതെ ഞങ്ങളില് വിശ്വസിച്ച എല്ലാ അഭ്യുദയകാംക്ഷികളും. ഈ ആഘോഷം നിങ്ങള്ക്കെല്ലാവര്ക്കും ഉള്ളതാണ്.രണ്ടാം വാര്ഷിക ആശംസകള്, നെയില് ഇറ്റ്. ഒന്നിച്ച് മുന്നേറാന് ഇനിയും ഒരുപാട് വര്ഷങ്ങള് ഉണ്ടാകട്ടെ''.- ഗായത്രി അരുണ് കുറിച്ചു.
' പരസ്പരം' എന്ന സീരിയലിലെ ദീപ്തി ഐ.പി.എസ് എന്ന കഥാപാത്രത്തിലൂടെയാണ് ഗായത്രി അരുണ് മലയാളി പ്രേക്ഷകരുടെ പ്രിയങ്കരിയായി മാറിയത്. സര്വോപരി പാലാക്കാരന്, വണ്, കളങ്കാവല് തുടങ്ങിയ സിനിമകളിലും ഗായത്രി അഭിനയിച്ചിട്ടുണ്ട്.
