ബെംഗളൂരു: തമിഴ്നാട്ടിലേക്ക് കാവേരി വെള്ളം തുറന്നുവിടുന്നതിനെതിരെ കന്നഡ അനുകൂല സംഘടനകൾ നടത്തുന്ന പ്രതിഷേധങ്ങൾ വിജയ്യുടെ 'ജന നായകൻ' എന്ന ചിത്രത്തെ പ്രതികൂലമായി ബാധിച്ചു. മുൻകരുതൽ നടപടിയെന്ന നിലയിൽ നിരവധി തിയേറ്ററുകളിൽ നിന്ന് വിജയ്യുടെ പോസ്റ്ററുകൾ മാറ്റുകയും ചിത്രത്തിന്റെ പ്രദർശനം റദ്ദാക്കുകയും ചെയ്തിട്ടുണ്ട്. കർഷകരുടെയും കന്നഡ അനുകൂല സംഘടനകളുടെയും പ്രതിഷേധത്തെത്തുടർന്ന് സംസ്ഥാനത്തുടനീളമുള്ള പല തിയേറ്ററുകളും ഷോകൾ നിർത്തിവെച്ചു.
ജൂലൈ 23ന് റിലീസ് ചെയ്ത 'ജന നായകൻ', 75-ലധികം സിംഗിൾ സ്ക്രീനുകളും ഏകദേശം 50 മൾട്ടിപ്ലക്സ് സ്ക്രീനുകളും ഉൾപ്പെടെ കർണാടകയിലുടനീളം 125 മുതൽ 150 വരെ തിയേറ്ററുകളിലാണ് പ്രദർശനം ആരംഭിച്ചിരുന്നത്. കാവേരി പ്രക്ഷോഭം ശക്തമായതോടെ ക്രമസമാധാന പ്രശ്നങ്ങൾ ഒഴിവാക്കാൻ തിയേറ്റർ ഉടമകൾ പ്രദർശനം സ്വമേധയാ നിർത്തിവെക്കുകയായിരുന്നു. ചില തിയേറ്ററുകളിലെ ജീവനക്കാർ പരിസരത്തുണ്ടായിരുന്ന വിജയ്യുടെ പോസ്റ്ററുകളും ബാനറുകളും നീക്കം ചെയ്തു.
ബെംഗളൂരുവിലെ ഉർവശി തിയേറ്ററിൽ പൊലീസിന്റെ നിർദ്ദേശപ്രകാരമാണ് 'ജന നായകൻ' പ്രദർശനം നിർത്തിവെച്ചത്. തിയേറ്റർ ജീവനക്കാർ ചിത്രത്തിന്റെ പോസ്റ്ററുകളും കട്ട് ഔട്ടുകളും നീക്കം ചെയ്യുകയും, നിശ്ചയിച്ചിരുന്ന ഷോകൾക്ക് പകരം കന്നഡ ചിത്രമായ 'കരവലി' പ്രദർശിപ്പിക്കുകയും ചെയ്തു. കാവേരി പ്രക്ഷോഭങ്ങളുടെ പശ്ചാത്തലത്തിൽ അനിഷ്ട സംഭവങ്ങൾ ഒഴിവാക്കാൻ ഉർവശി തിയേറ്ററിന് പുറത്ത് പൊലീസ് കാവൽ ഏർപ്പെടുത്തിയിട്ടുണ്ട്. മന്ധ്യയിൽ കാവേരി ജലവിതരണ തർക്കത്തെത്തുടർന്നുള്ള സംഘർഷങ്ങൾക്കിടയിൽ കന്നഡ അനുകൂല പ്രവർത്തകർ 'ജന നായകൻ' ചിത്രത്തിന്റെ പ്രൊമോഷണൽ ബാനറുകൾ നീക്കം ചെയ്തു. കർണാടകയിലെ ജലക്ഷാമവും കാവേരി വെള്ളം തുറന്നുവിടണമെന്ന ആവശ്യവുമാണ് കർണാടകയിൽ പ്രതിഷേധങ്ങൾക്ക് കാരണമായത്.
തമിഴ്നാട് മുഖ്യമന്ത്രി വിജയും കർണാടക മുഖ്യമന്ത്രി ഡി കെ ശിവകുമാറും നദീജല തർക്കത്തെക്കുറിച്ച് ചർച്ച നടത്താൻ തീരുമാനിച്ചിരുന്നു. എന്നാൽ കന്നഡ അനുകൂല സംഘടനകൾ പ്രതിഷേധം ശക്തമാക്കുകയും വിജയ് വരേണ്ടതില്ല എന്ന നിലപാട് സ്വീകരിക്കുകയുമായിരുന്നു. വിജയ് എത്തിയാൽ വിമാനത്താവളത്തിൽ തടയുമെന്ന മുന്നറിയിപ്പും ഉണ്ടായിരുന്നു.
ജൂലൈ 23ന് റിലീസ് ചെയ്ത 'ജന നായകൻ', 75-ലധികം സിംഗിൾ സ്ക്രീനുകളും ഏകദേശം 50 മൾട്ടിപ്ലക്സ് സ്ക്രീനുകളും ഉൾപ്പെടെ കർണാടകയിലുടനീളം 125 മുതൽ 150 വരെ തിയേറ്ററുകളിലാണ് പ്രദർശനം ആരംഭിച്ചിരുന്നത്. കാവേരി പ്രക്ഷോഭം ശക്തമായതോടെ ക്രമസമാധാന പ്രശ്നങ്ങൾ ഒഴിവാക്കാൻ തിയേറ്റർ ഉടമകൾ പ്രദർശനം സ്വമേധയാ നിർത്തിവെക്കുകയായിരുന്നു. ചില തിയേറ്ററുകളിലെ ജീവനക്കാർ പരിസരത്തുണ്ടായിരുന്ന വിജയ്യുടെ പോസ്റ്ററുകളും ബാനറുകളും നീക്കം ചെയ്തു.
ബെംഗളൂരുവിലെ ഉർവശി തിയേറ്ററിൽ പൊലീസിന്റെ നിർദ്ദേശപ്രകാരമാണ് 'ജന നായകൻ' പ്രദർശനം നിർത്തിവെച്ചത്. തിയേറ്റർ ജീവനക്കാർ ചിത്രത്തിന്റെ പോസ്റ്ററുകളും കട്ട് ഔട്ടുകളും നീക്കം ചെയ്യുകയും, നിശ്ചയിച്ചിരുന്ന ഷോകൾക്ക് പകരം കന്നഡ ചിത്രമായ 'കരവലി' പ്രദർശിപ്പിക്കുകയും ചെയ്തു. കാവേരി പ്രക്ഷോഭങ്ങളുടെ പശ്ചാത്തലത്തിൽ അനിഷ്ട സംഭവങ്ങൾ ഒഴിവാക്കാൻ ഉർവശി തിയേറ്ററിന് പുറത്ത് പൊലീസ് കാവൽ ഏർപ്പെടുത്തിയിട്ടുണ്ട്. മന്ധ്യയിൽ കാവേരി ജലവിതരണ തർക്കത്തെത്തുടർന്നുള്ള സംഘർഷങ്ങൾക്കിടയിൽ കന്നഡ അനുകൂല പ്രവർത്തകർ 'ജന നായകൻ' ചിത്രത്തിന്റെ പ്രൊമോഷണൽ ബാനറുകൾ നീക്കം ചെയ്തു. കർണാടകയിലെ ജലക്ഷാമവും കാവേരി വെള്ളം തുറന്നുവിടണമെന്ന ആവശ്യവുമാണ് കർണാടകയിൽ പ്രതിഷേധങ്ങൾക്ക് കാരണമായത്.
തമിഴ്നാട് മുഖ്യമന്ത്രി വിജയും കർണാടക മുഖ്യമന്ത്രി ഡി കെ ശിവകുമാറും നദീജല തർക്കത്തെക്കുറിച്ച് ചർച്ച നടത്താൻ തീരുമാനിച്ചിരുന്നു. എന്നാൽ കന്നഡ അനുകൂല സംഘടനകൾ പ്രതിഷേധം ശക്തമാക്കുകയും വിജയ് വരേണ്ടതില്ല എന്ന നിലപാട് സ്വീകരിക്കുകയുമായിരുന്നു. വിജയ് എത്തിയാൽ വിമാനത്താവളത്തിൽ തടയുമെന്ന മുന്നറിയിപ്പും ഉണ്ടായിരുന്നു.
Comments