തിരൂര്: മദ്യപിച്ച് വീട്ടിലെത്തിയത് ചോദ്യംചെയ്ത പിതാവിനെ തവികൊണ്ട് തലയ്ക്കടിച്ച് കൊലപ്പെടുത്തിയ കേസില് മകന് അറസ്റ്റില്. തിരൂര് സൗത്ത് അന്നാരയില് ചിറ്റിപ്പാടം കോടേരിമന റോഡില് കുഴിപ്പയില് വേലായുധനാണ്(64) കൊല്ലപ്പെട്ടത്. മകന് ഉണ്ണിക്കൃഷ്ണനെ(34) പോലീസ് അറസ്റ്റ് ചെയ്തു.
കഴിഞ്ഞ ദിവസം ഉച്ചയ്ക്കുശേഷം മദ്യപിച്ച് വീട്ടിലെത്തിയ പ്രതിയെ പിതാവ് ചോദ്യം ചെയ്തതോടെ പരസ്പരം വാക്കേറ്റമുണ്ടായി. തുടര്ന്ന് തവികൊണ്ട് പിതാവിന്റെ തലയ്ക്കടിക്കുകയായിരുന്നു. രക്തം വാര്ന്ന് പോവുന്നത് കണ്ട് മകന് തന്നെ തിരൂര് ഗവ. ജില്ലാ ആശുപത്രിയിലെത്തിച്ചു. പരുക്ക് ഗുരുതരമായതിനാല് കോഴിക്കോട് മെഡിക്കല് കോളജ് ആശുപത്രിയിലേക്ക് മാറ്റിയെങ്കിലും രാത്രി പത്തോടെ മരിച്ചു. തവികൊണ്ട് തലയ്ക്ക് മൂന്നുവട്ടം അടിച്ചെന്ന് ഉണ്ണിക്കൃഷ്ണന് മൊഴി നല്കി. മുത്തൂര് വിഷുപ്പാടത്തുനിന്ന് ഏതാനും വര്ഷംമുമ്പ് അന്നാരയിലേക്ക് താമസംമാറി വന്നതാണ് സര്ക്കാരിന്റെ അതിദരിദ്രരുടെ ലിസ്റ്റില്പെട്ട ഈ കുടുംബം. നാട്ടുകാരുടെ സഹായത്തോടെയാണ് ഇവര് കഴിഞ്ഞുപോന്നിരുന്നത്. സുമനസുകളുടെ നേതൃത്വത്തില് ഇവര്ക്കുള്ള ഭവന നിര്മാണത്തിന്റെ പ്രവര്ത്തനങ്ങള് നടന്നുവരികയായിരുന്നു. ഭാര്യ: രാധ. മറ്റുമക്കള്: ജിതേഷ്, ജീന.
Comments