തെന്നിന്ത്യന് സിനിമാലോകത്ത് ഏറെ ആരാധകരുള്ള നടിയാണ് ഹന്സിക മോട്വാനി. സാമൂഹികമാധ്യമങ്ങളില് സജീവമായ താരം തന്റെ ജീവിതത്തിലെ സന്തോഷ നിമിഷങ്ങള് ആരാധകരുമായി പങ്കുവെക്കാറുണ്ട്. ഇപ്പോഴിതാ, തന്റെ പിറന്നാള് ആഘോഷത്തിന്റെ ചിത്രങ്ങളുമായി എത്തിയിരിക്കുകയാണ് താരം.
"ഇന്നലെ കുറച്ചുകൂടി ഇങ്ങനെയാണുണ്ടായിരുന്നത്" എന്നാണ് ചിത്രങ്ങള്ക്കൊപ്പം ഹന്സിക കുറിച്ചത്. പിറന്നാള് കേക്കിനുമുന്നില് സന്തോഷത്തോടെ ഇരിക്കുന്നതും കേക്ക് മുറിക്കുന്നതുമായ ദൃശ്യങ്ങള് താരം പങ്കുവെച്ചിട്ടുണ്ട്. നടിമാരായ സാമന്ത രൂത്ത് പ്രഭു, കാജല് അഗര്വാള്, മൃണാള് താക്കൂര് തുടങ്ങി നിരവധി പ്രമുഖരാണ് പോസ്റ്റിന് താഴെ താരത്തിന് ആശംസകളുമായി എത്തിയത്.
"ഇന്നലെ കുറച്ചുകൂടി ഇങ്ങനെയാണുണ്ടായിരുന്നത്" എന്നാണ് ചിത്രങ്ങള്ക്കൊപ്പം ഹന്സിക കുറിച്ചത്. പിറന്നാള് കേക്കിനുമുന്നില് സന്തോഷത്തോടെ ഇരിക്കുന്നതും കേക്ക് മുറിക്കുന്നതുമായ ദൃശ്യങ്ങള് താരം പങ്കുവെച്ചിട്ടുണ്ട്. നടിമാരായ സാമന്ത രൂത്ത് പ്രഭു, കാജല് അഗര്വാള്, മൃണാള് താക്കൂര് തുടങ്ങി നിരവധി പ്രമുഖരാണ് പോസ്റ്റിന് താഴെ താരത്തിന് ആശംസകളുമായി എത്തിയത്.
അടുത്തിടെയായിരുന്നു ഹന്സികയും ബിസിനസുകാരനായ സൊഹേല് ഖതൂരിയയും വിവാഹമോചിതരായത്. നാല് വര്ഷം നീണ്ട ദാമ്പത്യബന്ധത്തിന് ശേഷമാണ് ഇരുവരും നിയമപരമായി ബന്ധം പിരിഞ്ഞത്.
ഹൃത്വിക് റോഷന് നായകനായ 'കോയി മില് ഗയാ' എന്ന ചിത്രത്തില് ബാലതാരമായാണ് ഹന്സികയുടെ സിനിമാപ്രവേശം. പിന്നീട് തെലുങ്ക് ചിത്രമായ 'ദേശമുദുരു'വില് നായികയായി വേഷമിട്ടു. തുടര്ന്ന് ഹിന്ദി സിനിമകളിലും അഭിനയിച്ചെങ്കിലും, ഹിമേഷ് രേഷാമിയ നായകനായെത്തിയ 'ആപ്ക സുരൂര്' എന്ന ചിത്രത്തിലൂടെയാണ് താരം പ്രേക്ഷകശ്രദ്ധ നേടിയത്. 2008-ല് കന്നഡയിലും നായികയായി അഭിനയിച്ചു. തമിഴിലും തെലുങ്കിലും സജീവമായ താരം, '105 മിനിറ്റ്സ്' (തെലുങ്ക്), 'ഗാർഡിയൻ' (തമിഴ്) എന്നീ ചിത്രങ്ങളിലാണ് അവസാനമായി അഭിനയിച്ചത്.
Comments