തിരുവനന്തപുരം: കൊച്ചിമെട്രോയുടെ പേര് കേരളമെട്രോ എന്നാക്കി മാറ്റണമെന്ന വിഷയത്തില് പേരുമാറ്റുന്നതിനെ കുറിച്ച് ആലോചനയില്ലെന്ന് മുഖ്യമന്ത്രി. ഇക്കാര്യം താന് പത്രവാര്ത്തകളില് കൂടിയാണ് അറിഞ്ഞതെന്നും അത്തരം ഒരു ആലോചന ഇല്ലെന്നും പ്രതികരിച്ചു. കേരളം മെട്രോ റെയില് ലിമിറ്റഡ് എന്നാക്കി കൊച്ചിമെട്രോയുടെ പേരുമാറ്റാന് ആവശ്യപ്പെട്ട് സംസ്ഥാന സര്ക്കാരിന്റെ തത്ത്വത്തിലുള്ള അംഗീകാരം തേടി കെ.എം.ആര്.എല് എം.ഡി ലോക്നാഥ് ബഹ്റയാണ് സര്ക്കാരിനെ സമീപിച്ചത്.
നാഗ്പൂര് മെട്രോ 'മഹാരാഷ്ട്ര മെട്രോ' ആയും, ലഖ്നൗ മെട്രോ 'ഉത്തര്പ്രദേശ് മെട്രോ' ആയും, അഹമ്മദാബാദ് മെട്രോ 'ഗുജറാത്ത് മെട്രോ' ആയും പേരുമാറിയ മാതൃക പിന്തുടര്ന്നാണ് കെ.എം.ആര്.എല് നീക്കം. ഹൈബി ഈഡന് എം.പി. ഇതിനെതിരേ രംഗത്ത് വരികയും കൂടിയാലോചന ഇല്ലാതെ ഇക്കാര്യം ചെയ്യരുതെന്നും പ്രതികരിച്ചിരുന്നു. സംസ്ഥാനത്തൊട്ടാകെയുള്ള നഗര ഗതാഗത പദ്ധതികള് ആസൂത്രണം ചെയ്യാനും നടപ്പിലാക്കാനും ലക്ഷ്യമിട്ടായിരുന്നു ശിപാര്ശ. എന്നാല് കൊച്ചിമെട്രോ അതേ പേരില് നിലനിര്ത്തണമെന്നായിരുന്ന ഹൈബി ഈഡന് പറഞ്ഞത്. ഇക്കാര്യത്തില് എതിര്പ്പറിയിച്ച് എം.പി. മുഖ്യമന്ത്രിക്ക് കത്തയയ്ക്കുകയും ചെയ്തു.
കൊച്ചിമെട്രോയുടെ പേരുമാറ്റത്തിന് ആദ്യം സംസ്ഥാന സര്ക്കാരിന്റെ അനുമതിയാണ് ലഭിക്കേണ്ടത്. അനുമതി ലഭിച്ചാല് മറ്റ് നടപടികളിലേക്ക് കടക്കും. ഡയറക്ടര് ബോര്ഡ്, ഓഹരി ഉടമകള്, കേന്ദ്ര കോര്പ്പറേറ്റ് കാര്യ മന്ത്രാലയം, കേന്ദ്ര സര്ക്കാര് എന്നിവയുടെ അംഗീകാരങ്ങള്ക്ക് വിധേയമായിട്ടായിരിക്കും അന്തിമ പേരുമാറ്റം നടപ്പിലാക്കുക. ആലുവ മുതല് തൃപ്പൂണിത്തുറ വരെയുള്ള ഒന്നാംഘട്ടം വിജയകരമായി പൂര്ത്തിയാക്കി പ്രവര്ത്തന ലാഭത്തിലാണ് കമ്പനി.
നാഗ്പൂര് മെട്രോ 'മഹാരാഷ്ട്ര മെട്രോ' ആയും, ലഖ്നൗ മെട്രോ 'ഉത്തര്പ്രദേശ് മെട്രോ' ആയും, അഹമ്മദാബാദ് മെട്രോ 'ഗുജറാത്ത് മെട്രോ' ആയും പേരുമാറിയ മാതൃക പിന്തുടര്ന്നാണ് കെ.എം.ആര്.എല് നീക്കം. ഹൈബി ഈഡന് എം.പി. ഇതിനെതിരേ രംഗത്ത് വരികയും കൂടിയാലോചന ഇല്ലാതെ ഇക്കാര്യം ചെയ്യരുതെന്നും പ്രതികരിച്ചിരുന്നു. സംസ്ഥാനത്തൊട്ടാകെയുള്ള നഗര ഗതാഗത പദ്ധതികള് ആസൂത്രണം ചെയ്യാനും നടപ്പിലാക്കാനും ലക്ഷ്യമിട്ടായിരുന്നു ശിപാര്ശ. എന്നാല് കൊച്ചിമെട്രോ അതേ പേരില് നിലനിര്ത്തണമെന്നായിരുന്ന ഹൈബി ഈഡന് പറഞ്ഞത്. ഇക്കാര്യത്തില് എതിര്പ്പറിയിച്ച് എം.പി. മുഖ്യമന്ത്രിക്ക് കത്തയയ്ക്കുകയും ചെയ്തു.
കൊച്ചിമെട്രോയുടെ പേരുമാറ്റത്തിന് ആദ്യം സംസ്ഥാന സര്ക്കാരിന്റെ അനുമതിയാണ് ലഭിക്കേണ്ടത്. അനുമതി ലഭിച്ചാല് മറ്റ് നടപടികളിലേക്ക് കടക്കും. ഡയറക്ടര് ബോര്ഡ്, ഓഹരി ഉടമകള്, കേന്ദ്ര കോര്പ്പറേറ്റ് കാര്യ മന്ത്രാലയം, കേന്ദ്ര സര്ക്കാര് എന്നിവയുടെ അംഗീകാരങ്ങള്ക്ക് വിധേയമായിട്ടായിരിക്കും അന്തിമ പേരുമാറ്റം നടപ്പിലാക്കുക. ആലുവ മുതല് തൃപ്പൂണിത്തുറ വരെയുള്ള ഒന്നാംഘട്ടം വിജയകരമായി പൂര്ത്തിയാക്കി പ്രവര്ത്തന ലാഭത്തിലാണ് കമ്പനി.
Comments