ലഖ്നൗ: വിദ്യാഭ്യാസ സ്ഥാപനങ്ങളുടെ ഡ്രസ് കോഡ് ലംഘിക്കാന് വിദ്യാര്ഥിക്ക് അനുവാദമില്ലെന്ന് അലാഹാബാദ് ഹൈക്കോടതി. സ്കൂളില് ഹിജാബ് ധരിക്കാന് അനുവദിക്കണമെന്ന് ആവശ്യപ്പെട്ട് വിദ്യാര്ഥിനി നല്കിയ ഹര്ജി തള്ളിക്കൊണ്ടാണ് ഹൈക്കോടതിയുടെ ഉത്തരവ്. ഹിജാബ് ഒഴിവാക്കാനാവാത്ത മതാചാരമല്ലെന്നും അങ്ങനെയാണെന്നു തെളിയിക്കുന്ന വസ്തുതകള് ഹര്ജിക്കാരി ഹാജരാക്കിയിട്ടില്ലെന്നും കോടതി പറഞ്ഞു.
പ്രയാഗ്രാജിലെ സ്വകാര്യ സ്കൂളില് പത്താംക്ല ാസ് പാസായതിനു ശേഷം ഇതേ സ്കൂളില് പതിനൊന്നാംക്ല ാസില് അഡ്മിഷനു കാത്തുനില്ക്കുകയാണ് കുട്ടി. യൂണിഫോമിനൊപ്പം ഹിജാബും ധരിക്കാന് അനുവദിക്കണമെന്നാവശ്യപ്പെട്ട് മാതാവ് മുഖാന്തിരമാണ് കുട്ടി കോടതിയെ സമീപിച്ചത്. ഹിജാബും ശിരോവസ്ത്രവും ധരിക്കുന്നത് ഇസ്ലാം ആചാരപ്രകാരം ഒഴിച്ചുകൂടാനാകാത്തതാണെന്നും ഇതേ സ്കൂളില് ആറാംക്ല ാസ് മുതല് താന് ഹിജാബ് ധരിച്ചുവരുന്നുണ്ടെന്നും എന്നാല് പ്ലസ് വണ് പ്രവേശനത്തിന്റെ സമയത്ത്, ഹിജാബ് ധരിക്കുന്നത് ഡ്രസ് കോഡിന്റെ ലംഘനമാണെന്നു പറഞ്ഞ് മാനേജ്മെന്റ് പ്രവേശനം നിഷേധിച്ചെന്നും ഹര്ജിയില് ചൂണ്ടിക്കാട്ടിയിരുന്നു. എന്നാല്, സ്കൂളിലെ വിവിധക്ല ാസുകളില്നിന്നുള്ള ചിത്രങ്ങള് പരിശോധിച്ചതില്നിന്ന് ഹര്ജിക്കാരിയൊഴികെ, ഇസ്ലാം മതവിഭാഗത്തില്പെടുന്ന മറ്റു കുട്ടികളടക്കം ആരും ഹിജാബ് ധരിച്ചിട്ടില്ലെന്ന് കോടതി നിരീക്ഷിച്ചു. ഇസ്ലാമില് ഹിജാബ് ഒഴിച്ചുകൂടാനാകാത്തതാണെന്ന വാദവും ജഡ്ജിമാരായ ജെ.ജെ.മുനീര് ഇന്ദ്രജിത് ശുക്ല എന്നിവരടങ്ങിയ ബെഞ്ച് തള്ളി.
Comments