കീവ്: റഷ്യയുമായി കാലങ്ങളായി തുടരുന്ന യുദ്ധത്തിന് പണം കണ്ടെത്താന്‍ യുക്രെയ്ന്‍ അഡല്‍റ്റ് എന്റര്‍ടൈന്‍മെന്റ് വ്യവസായത്തിലേക്ക് തിരിയുന്നു. ഇന്‍ഡസ്ട്രിയെ നിയമപരമായ സമ്പദ്വ്യവസ്ഥയുടെ ഭാഗമാക്കുന്നതിലൂടെ 25 മില്യണ്‍ ഡോളര്‍ വരെ നികുതി വരുമാനം ഉണ്ടാക്കാന്‍ കഴിയുമെന്നാണ് കണക്കുകൂട്ടല്‍. യുക്രേനിയന്‍ അധികാരികള്‍ അടുത്തിടെ അഡല്‍റ്റ് കണ്ടന്റ് ക്രിയേറ്റര്‍മാരില്‍ നിന്ന് നികുതി ഈടാക്കാന്‍ തുടങ്ങി.
റഷ്യയ്ക്കെതിരെയുള്ള യുദ്ധത്തിന് പണം കണ്ടെത്താന്‍ പോണോഗ്രാഫി നിയമവിധേയമാക്കുന്നതിനെക്കുറിച്ച് യുക്രെയ്ന്‍ ആലോചിക്കുന്നതായി വാള്‍സ്ട്രീറ്റ് ജര്‍ണലാണ് റിപ്പോര്‍ട്ട് പുറത്തുവിട്ടിരിക്കുന്നത്. യുക്രെയ്ന്‍ പാര്‍ലമെന്റിന്റെ ധകാര്യ സമിതി അധ്യക്ഷനായ യാരോസ്ലാവ് ഷെലെസ്നിയാക് പിന്തുണയ്ക്കുന്ന ബില്ലിലാണ് ഈ വാദമുള്ളത്. രാജ്യത്തെ അഡല്‍റ്റ് എന്റര്‍ടൈന്‍മെന്റ് ഇന്‍ഡസ്ട്രിയെ നിയമപരമായ സമ്പദ്വ്യവസ്ഥയിലേക്ക് കൊണ്ടുവരുന്നതിലൂടെ 25 മില്യണ്‍ ഡോളര്‍ വരെ നികുതി വരുമാനം ഉണ്ടാക്കാന്‍ കഴിയുമെന്ന് ഇത് വ്യക്തമാക്കുന്നു.
ഈ തുക യുദ്ധത്തിനായി 30,000 ഡ്രോണുകള്‍ വരെ വാങ്ങാന്‍ പര്യാപ്തമാണെന്ന് ഷെലെസ്നിയാക് കണക്കാക്കുന്നു. പോണോഗ്രാഫി നിര്‍മ്മിക്കുകയോ കൈവശം വെക്കുകയോ വിതരണം ചെയ്യുകയോ ചെയ്യുന്നത് നിലവില്‍ നിയമവിരുദ്ധമാണ്. ഇത് ഏഴ് വര്‍ഷം വരെ തടവ് ലഭിക്കാവുന്ന കുറ്റമാണ്. എന്നിരുന്നാലും, അഴിമതിക്കാരായ പോലീസിന്റെ സഹായത്തോടെ അഡല്‍റ്റ് കണ്ടന്റ് ഇന്‍ഡസ്ട്രി വളര്‍ച്ച തുടരുകയാണ്. യുക്രേനിയന്‍ അധികാരികള്‍ അടുത്തിടെ അഡല്‍റ്റ് കണ്ടന്റ് ക്രിയേറ്റര്‍മാരില്‍ നിന്ന് നികുതി ഈടാക്കാന്‍ തുടങ്ങിയിട്ടുണ്ട്.
അതേസമയം നികുതി അടയ്ക്കാതിരിക്കുന്നതിനാല്‍ ക്രിമിനല്‍ കുറ്റമാണ്. ഇനി നികുതി അടച്ചാല്‍ പോര്‍ണോഗ്രാഫി നിയമപ്രകാരം കേസ് നേരിടേണ്ടി വരുന്ന സ്ഥിതിയും ഉണ്ടാകുന്നു. ഇത് പരിഹരിക്കാനാണ് പ്രായപൂര്‍ത്തിയായവര്‍ക്ക് മാത്രമുള്ള വ്യവസായം നിയമപരമാക്കുന്നത്.
റഷ്യ പൂര്‍ണ്ണതോതിലുള്ള അധിനിവേശം നടത്തുന്നതിന് മുമ്പ്, അഡല്‍റ്റ് എന്റര്‍ടൈന്‍മെന്റ് ബിസിനസിന്റെ കാര്യത്തില്‍ അധികാരികള്‍ വലിയ അളവുവരെ കണ്ണടയ്ക്കുകയായിരുന്നു. ഈ കാലഘട്ടത്തില്‍ മൂന്ന് പ്രവിശ്യകളിലെ ഉദ്യോഗസ്ഥര്‍ 20,000 ഡോളര്‍ വരെ കൈക്കൂലി വാങ്ങിയതായി യുക്രെയ്‌ന്റെ ജനറല്‍ പ്രോസിക്യൂട്ടറുടെ ഓഫീസ് അടുത്തിടെ കണ്ടെത്തിയതായി ജേണല്‍ റിപ്പോര്‍ട്ട് ചെയ്തു.
ഒണ്‍ലിഫാന്‍സിന്റെ മാതൃ കമ്പനിയായ ഫെനിക്‌സ് ഇന്റര്‍നാഷണലിന്റെ ഡാറ്റ പ്രകാരം, 2023-ല്‍ 7,900 യുക്രേനിയക്കാര്‍ ഒണ്‍ലിഫാന്‍സിലൂടെ 131 മില്യണ്‍ ഡോളറിലധികം സമ്പാദിച്ചതായിട്ടാണ് കണക്ക്. തങ്ങളുടെ വരുമാനം വെളിപ്പെടുത്തിയ ചില ആളുകള്‍ക്ക്, നികുതി വെട്ടിപ്പ് നടത്തിയെന്നും നിയമവിരുദ്ധമായി അഡല്‍റ്റ് കണ്ടന്റ് നിര്‍മ്മിച്ചെന്നും ആരോപിച്ച് കീവില്‍ നിന്ന് പിന്നീട് കത്തുകള്‍ ലഭിച്ചു. കേസ് ഇല്ലാതാക്കാന്‍ കൈക്കൂലി നല്‍കാനുള്ള അവസരം ഉദ്യോഗസ്ഥര്‍ തന്നെ ഇരകള്‍ക്ക് വാഗ്ദാനം ചെയ്യുന്ന സ്ഥിതിയുണ്ട്.
ഈ അനിശ്ചിതത്വം ഡ്വോര്‍നിക്കോവ ഉള്‍പ്പെടെയുള്ള നിരവധി യുക്രേനിയന്‍ ഒണ്‍ലിഫാന്‍സ് ക്രിയേറ്റര്‍മാരെ രാജ്യം വിട്ടുപോകാനോ അല്ലെങ്കില്‍ യൂറോപ്പിലെ മറ്റ് സ്ഥലങ്ങളിലേക്ക് താല്‍ക്കാലികമായി മാറിത്താമസിക്കാനോ പ്രേരിപ്പിച്ചു. ഈ സാഹചര്യം പോണോഗ്രാഫി നിയമവിധേയമാക്കാനുള്ള ഷെലെസ്നിയാകിന്റെ നിര്‍ദ്ദേശം പാര്‍ലമെന്റ് പരിഗണിക്കുമെന്ന് സെലെന്‍സ്‌കി വ്യക്തമാക്കി.
Comments