ബോളിവുഡിന്റെ പ്രിയ താരദമ്പതിമാരാണ് ദീപിക പദുകോണും രണ്‍വീര്‍ സിംഗും. ഇവരുടെ വിശേഷങ്ങളും ചിത്രങ്ങളും കാണാന്‍ വലിയ ആകാംക്ഷയോടെയാണ് പ്രേക്ഷകര്‍ കാത്തിരിക്കുന്നത്. കുറച്ചു മാസങ്ങള്‍ക്കു മുമ്പാണ് തങ്ങള്‍ രണ്ടാമത്തെ കുഞ്ഞിനെ കാത്തിരിക്കുവെന്ന സന്തോഷം ദീപികയും രണ്‍വീറും പ്രേക്ഷകരെ അറിയിച്ചത്. അന്നുമുതല്‍ ദീപികയുടെ വിശേഷങ്ങളും ചിത്രങ്ങളും പ്രേക്ഷകര്‍ കാത്തിരിക്കുകയാണ്. ഇക്കഴിഞ്ഞ ദിവസം ദുവയുടെ രണ്ടാം ജന്മദിനമായിരുന്നു.
ഇപ്പോഴിതാ ദുവയുടെ രണ്ടാം ജന്മദിനത്തില്‍ മാതാപിതാക്കളായ ദീപികയും രണ്‍വീറും ഹൃദയം കവരും കുറിപ്പ് പങ്കിട്ടിരിക്കുകയാണ്. രണ്ടാമത്തെ കുഞ്ഞിനെ സ്വാഗതം ചെയ്യാൻ തയ്യാറെടുക്കുന്ന ദമ്പതികൾ തങ്ങളുടെ മെറ്റേണിറ്റി ഫോട്ടോഷൂട്ട് ചിത്രങ്ങളും കൊച്ചു ദുവയോടൊപ്പമുള്ള രസകരമായ നിമിഷങ്ങളും ഉള്‍പ്പെടുത്തിയിട്ടുള്ള ചിത്രങ്ങളാണ് പങ്കിട്ടിരിക്കുന്നത്. നിരവധി ഫോട്ടോകളിൽ, രൺവീറും ദീപികയും ദുവയോടൊപ്പം കളിക്കുന്നതും ശാന്തമായ കുടുംബ നിമിഷങ്ങൾ ആസ്വദിക്കുന്നതും കാണാം.
‘‘കുഞ്ഞു ദുവാ, ഞങ്ങളുടെ ഹൃദയങ്ങൾ വലുതാകുന്നു... എല്ലാ അനുഗ്രഹങ്ങൾക്കും നന്ദി....’’ എന്ന ക്യാപ്ഷന്‍ നല്‍കിയാണ് ദീപികയും രണ്‍വീറും ദുവയ്ക്കൊപ്പമുള്ള ചിത്രങ്ങള്‍ പങ്കിട്ടിരിക്കുന്നത്. ഒരു ഫോട്ടോയിൽ, രൺവീർ ദീപികയുടെ കുഞ്ഞു ബമ്പ് കാണിച്ച് ദുവയെ സൗമ്യമായി ആലിംഗനം ചെയ്യുന്നത് കാണാം. അച്ഛനും മകളും ഒരുമിച്ചുള്ള ക്യൂട്ട് ചിത്രവും താരദമ്പതിമാര്‍ പങ്കുവച്ചിട്ടുണ്ട്. രണ്ടാമത്തെ കുഞ്ഞിനെ പ്രതീക്ഷിക്കുന്ന ദീപികയിപ്പോള്‍ തേര്‍ഡ് ട്രൈമസ്റ്ററിലാണ്. ചിത്രങ്ങള്‍ പങ്കിട്ട് നിമിഷങ്ങള്‍ക്കകം തന്നെ പോസ്റ്റ് വൈറലായി. ആരാധകരും സഹതാരങ്ങളുമടക്കം എല്ലാവരും തങ്ങളുടെ സ്നേഹവും ആശംസയും കമന്റുകളിലൂടെ കുറിക്കുന്നുണ്ട്. ധുരന്ധറില്‍ രണ്‍വീറിന്റെ നായികയായ സാറാ അര്‍ജുന്‍ കുറിച്ചത്, ‘ഏറ്റവും മനോഹരമായ കുടുംബം... ടച്ച്‌വുഡ്...’ എന്നാണ്. പല ആരാധകരും ഹാര്‍ട്ട് ഇമോജിയും ലവ് ഇമോജിയുമൊക്കെ കമന്റുകളിലൂടെ പങ്കിട്ടിരിക്കുന്നത്.
2026 ഏപ്രിലിൽ, ദീപികയും രൺവീറും തങ്ങളുടെ രണ്ടാമത്തെ കുഞ്ഞിനെ പ്രതീക്ഷിക്കുന്നതായി പ്രഖ്യാപിച്ചിരുന്നു. ഈവിള്‍ ഐ ഇമോജിക്കൊപ്പം കുഞ്ഞു ദുവ പോസിറ്റീവ് പ്രെഗ്നന്‍സി ടെസ്റ്റ് കിറ്റ് പിടിച്ചു നില്‍ക്കുന്ന ചിത്രം പങ്കിട്ടാണ് താരദമ്പതിമാര്‍ പ്രഖ്യാപനം മിനിമലിസ്റ്റായി നിലനിർത്തിയത്. വിവിധ പ്ലാറ്റ്‌ഫോമുകളിൽ നിന്ന് ആഘോഷ ആശംസകളുടെ വൻ പ്രവാഹമാണ് താരദമ്പതിമാര്‍ക്ക് ലഭിച്ചത്.
വ്യക്തിജീവിതം ആസ്വദിക്കുന്ന താരദമ്പതിമാര്‍ കരിയറിലും വിജയക്കുതിപ്പിലാണ്. ‘ധുരന്ധർ’ എന്ന ചിത്രത്തിന്റെ വൻ വിജയത്തിന് ശേഷം രൺവീർ ‘പ്രലൈ’ എന്ന ചിത്രത്തിന്റെ ഷൂട്ടിംഗ് ആരംഭിച്ചു. ‘കിംഗ്’ എന്ന ചിത്രത്തിലാണ് ദീപിക അടുത്തതായി അഭിനയിക്കുന്നത്.
Comments