ഡല്‍ഹി: മുന്‍ യുഡിഎഫ് സര്‍ക്കാരിന്റെ കാലത്തെ വൈദ്യുതി കരാറുമായി ബന്ധപ്പെട്ട വിഷയത്തില്‍ സംസ്ഥാന സര്‍ക്കാര്‍ സുപ്രീംകോടതിയില്‍. 2014ലെ യുഡിഎഫ് സര്‍കാരിന്റെ കാലത്തെ ദീര്‍ഘകാല വൈദ്യുതി കരാര്‍ റദ്ദാക്കിയതിനെതിരായ ഹര്‍ജി അടിയന്തരമായി പരിഗണിക്കണമെന്നാണ് ആവശ്യം. ഈ ആവശ്യം ഉന്നയിച്ച് സുപ്രീംകോടതിയില്‍ പ്രത്യേക അപേക്ഷയാണ് നല്‍കിയിരിക്കുന്നത്.
കരാര്‍ റദ്ദാക്കല്‍ സര്‍ക്കാരാിന് കനത്ത നഷ്ടമാണ് ഉണ്ടാക്കുന്നതെന്നും ഇതുവരെ 12570 കോടി രൂപയായെന്നും ചൂണ്ടിക്കാണിക്കുന്നു. ഈ സാഹചര്യത്തില്‍ കെ.എസ്.ഇ.ബി. യ്ക്ക് സാമ്പത്തീക നഷ്ടത്തിന് പുറമേ വലിയ വിലയ്ക്ക് വൈദ്യുതി വാങ്ങേണ്ട സ്ഥിതിയുണ്ടാക്കുന്നതായും വ്യക്തമാക്കിയിട്ടുണ്ട്. രണ്ടാം പിണറായി സര്‍ക്കാരിന്റെ കാലത്താണ് കമ്മീഷന്‍ ഈ നടപടി സ്വീകരിച്ചത്.
2014 ല്‍ യുഡിഎഫ് സര്‍ക്കാരിന്റെ കാലത്ത് തുടങ്ങിയ, ജാബുവ പവര്‍ ലിമിറ്റഡില്‍നിന്ന് യൂണിറ്റിന് 4.15 രൂപ നിരക്കില്‍ 115 മെഗാവാട്ടും ജാബുവ ജിന്‍ഡല്‍ പവര്‍ ലിമിറ്റഡ് ജിന്‍ഡല്‍ തെര്‍മല്‍ പവര്‍ ലിമിറ്റഡ് കമ്പനികളില്‍ നിന്നായി യൂണിറ്റിന് 4.29 രൂപ നിരക്കില്‍ 350 മെഗാവാട്ടും ലഭ്യമാകുന്ന ദീര്‍ഘകാല കരാറുകളാണ് 2023 മേയില്‍ കേരള സ്റ്റേറ്റ് ഇലക്ട്രിസിറ്റി റെഗുലേറ്ററി കമ്മീഷന്‍ റദ്ദാക്കിയത്. കേരളം കനത്ത വൈദ്യുതി പ്രതിസന്ധി അനുഭവിക്കുന്ന സാഹചര്യത്തില്‍ ഈ കരാറുകള്‍ പുന: പരിശോധിക്കുന്നത് ഉള്‍പ്പെടെയുള്ള കാര്യങ്ങള്‍ സംസ്ഥാന സര്‍ക്കാര്‍ പരിഗണിക്കുകയാണ്.
Comments