കോഴിക്കോട്: ദീര്‍ഘകാലമായി മാറ്റിനിര്‍ത്തപ്പെട്ടിരുന്ന മുതിര്‍ന്ന നേതാവ് പി. ജയരാജനെ സംസ്ഥാന സെക്രട്ടേറിയറ്റില്‍ ഉള്‍പ്പെടുത്തി മുകള്‍ത്തട്ടില്‍ 'തിരുത്ത്'. സി.പി.എം. വിപുലീകൃത സംസ്ഥാന കമ്മിറ്റി യോഗം പാര്‍ട്ടി സംഘടനാതലത്തില്‍ അഴിച്ചുപണി നടത്തിയപ്പോള്‍ അപ്രതീക്ഷിത തീരുമാന മായി മാറിയത് കണ്ണൂരിലെ മുതിര്‍ന്നനേതാവ് പി. ജയരാജന്. കേന്ദ്രനേതൃത്വത്തിന്റെ ഇടപെടലായിരുന്നു ഇക്കാര്യത്തില്‍ നിര്‍ണ്ണായകമായത്.
പി.ജയരാജനെ സംസ്ഥാന സെക്രട്ടേറിയറ്റില്‍ ഉള്‍പ്പെടുത്തിയത് വഴി പാര്‍ട്ടി മുന്‍കൂട്ടികാണുന്ന അനേകം കാര്യങ്ങളുണ്ട്. ശക്തികേന്ദ്രമായ കണ്ണൂരില്‍ തകര്‍ന്നുകൊണ്ടിരിക്കുന്ന പാര്‍ട്ടിയുടെ പുനരുജ്ജീവനമാണ് ഇതില്‍ പ്രധാനം. പയ്യന്നൂരിലൂം തളിപ്പറമ്പിലും ഏറ്റ തോല്‍വിയിലൂടെ നഷ്ടമായ മുഖം തിരിച്ചു പിടിക്കലാണ് മറ്റൊരു കാര്യം. ബിജെപി-സിപിഎം ഡീല്‍ ആക്ഷേപത്തെ മറികടക്കലും സിപിഐഎം ലക്ഷ്യമിടുന്നു. സംഘപരിവാര്‍ നിഴല്‍ പാര്‍ട്ടി ക്ക്‌മേല്‍ നില്‍ക്കുന്ന സാഹചര്യത്തില്‍ ജയരാജന്റെ നേതൃത്വത്തിലേക്കുള്ള കടന്നുവരവ് നിര്‍ണ്ണായകമാണ്.
സംഘപരിവാറിനെതിരായ പോരാട്ടത്തിന്റെ പ്രതീകമാണ് ആര്‍.എസ്.എസ് ആക്രമണത്തില്‍ പരിക്കേറ്റ പി.ജയരാജന്. ഈ സംശയത്തില്‍ പാര്‍ട്ടി യോട് അകന്ന ന്യൂനപക്ഷ വിഭാഗത്തിന് കൂടിയുളള കേന്ദ്ര നേതൃത്വത്തിന്റെ സന്ദേശം കൂടിയാണ്. അണികളില്‍ സ്വാധീനമുണ്ടായിട്ടും ഉന്നതനേതൃത്വ ത്തില്‍ നിന്നു മാറ്റിനിര്‍ത്തുന്നു നിരന്തരം തഴയുന്നു എന്നാണ് ജയരാജന് പക്ഷക്കാരുടെ ആക്ഷേപം.
പ്രവര്‍ത്തകരുടെ ആവശ്യം കൂടി പരിഗണിച്ചാണ് പി. ജയരാജനെ നേതൃത്വത്തിലേക്ക് കൊണ്ടുവരുന്നത്. കേന്ദ്ര നേതാക്കളുടെ യോഗത്തില്‍ പിബി അംഗം അശോക് ധാവ്ളെ പേര് നിര്‍ദ്ദേശിച്ചപ്പോള്‍ പിണറായി വിജയന്‍ പിന്തുണച്ചിരുന്നു. എന്നാല്‍ കേന്ദ്ര നേതൃത്വത്തിന്റെ ഇടപെടല്‍ നിര്‍ണ്ണായ കമായി. ഇത് പി.ജയരാജന്റെ ശക്തമായ തിരിച്ചുവരവ് കൂടിയാണ്.
2025 ല്‍ കൊല്ലത്ത് നടന്ന സി.പി.എം. സംസ്ഥാന സമ്മേളനത്തില്‍ പി. ജയരാജനെ സി.പി.എം. സംസ്ഥാന സെക്രട്ടേറിയറ്റില്‍ ഉള്‍പ്പെടുത്തിയി രുന്നില്ല. അന്ന് അദ്ദേഹത്തിന് 72 വയസായിരുന്നു. അടുത്ത സമ്മേളനത്തില്‍, നേതൃപദവികള്‍ക്ക് സി.പി.എം. നിശ്ചയിച്ചിരിക്കുന്ന 75 വയസെന്ന പ്രായപരിധി പിന്നിടുന്ന പി. ജയരാജന് പാര്‍ട്ടി സംസ്ഥാന സെക്രട്ടേറിയറ്റ് അംഗമാകാന്‍ കഴിയില്ലെന്നാണു കരുതപ്പെട്ടിരുന്നത്. എന്നാല്‍, നിയമസഭാ തെരഞ്ഞെടുപ്പ് പരാജയത്തെത്തുടര്‍ന്ന് ചേര്‍ന്ന വിപുലീകൃത സംസ്ഥാന കമ്മിറ്റി യോഗം അദ്ദേഹത്തെ സെക്രട്ടേറിയറ്റ് അംഗമാക്കാന്‍ തീരുമാനിക്കുകയായിരുന്നു.
കണ്ണൂര്‍ ജില്ലാ സെക്രട്ടറി സ്ഥാനത്ത് നിന്നും മാറ്റിക്കൊണ്ടായിരുന്നു 2019 ലെ ലോകസഭാ തിരഞ്ഞെടുപ്പില്‍ വടകരയില്‍ മത്സരിക്കാന്‍ ഇറക്കിയത്. പിന്നീട് നടന്ന പാര്‍ട്ടി സംസ്ഥാന സമ്മേളനത്തില്‍ സംസ്ഥാന സെക്രട്ടേറിയേറ്റിലേക്ക് തിരഞ്ഞെടുക്കപ്പെടുമെന്ന് പ്രതീക്ഷിച്ചെങ്കിലും അതും സംഭവി ച്ചില്ല. പാര്‍ട്ടി പദവികളില്‍ ഒതുക്കപ്പെട്ടെങ്കിലും അദ്ദേഹത്തിന്റെ ജനകീയത നാള്‍ക്കുനാള്‍ വര്‍ദ്ധിച്ചതേയുള്ളൂ. ഒടുവില്‍ അണികളില്‍ സ്വാധീനമുണ്ടായിട്ടും ഉന്നത നേതൃത്വത്തില്‍നിന്നു മാറ്റിനിര്‍ത്തപ്പെട്ടിരുന്ന പി. ജയരാജന് ഇത് ശക്തമായ തിരിച്ചുവരവാണ്.
Comments