കേരളത്തിലേക്കുള്ള പവര്‍ഗ്രിഡിലെ വൈദ്യുതി ലഭ്യത കൂടി ; ഇന്നലെ കറന്റ്കട്ട് ഉണ്ടായില്ലെന്ന് കെ.എസ്.ഇ.ബി

തിരുവനന്തപുരം: മറ്റു സംസ്ഥാനങ്ങളുടെ ഉപഭോഗം കുറഞ്ഞതിനാല്‍ സംസ്ഥാനത്ത് ഇന്ന് വൈദ്യുതി നിയന്ത്രണം വേണ്ടി വന്നില്ലെന്ന് കെഎസ്ഇബി. കേരളത്തിലേക്കുള്ള പവര്‍ ഗ്രിഡിലെ വൈദ്യുതി ലഭ്യത കൂടുകയും പവര്‍ എക്സ്ചേഞ്ച് വഴിയും മതിയായ വൈദ്യുതി ലഭിച്ചതും ഗുണകരമായെന്ന് കെഎസ്ഇബി വ്യക്തമാക്കി. ഈ സാഹചര്യത്തില്‍ നിയന്ത്രണം വേണ്ടി വന്നില്ല.

കര്‍ണാടക, തമിഴ്നാട് സംസ്ഥാനങ്ങളിലെ വൈദ്യുതി ഉപഭോഗം കുറഞ്ഞതാണ് പവര്‍ഗ്രിഡിലെ വൈദ്യൂതി ലഭ്യത കൂടാന്‍ കാരണമായത്. 700 മെഗാവാട്ടിന്റെ കുറവുണ്ടായിരുന്നെങ്കിലും മതിയായ അളവില്‍ വൈദ്യുതി സംസ്ഥാനത്തിന് ലഭിച്ചു. കഴിഞ്ഞ 17 ദിവസത്തിനിടെ രാത്രികാല വൈദ്യുതി നിയന്ത്രണം ഇല്ലാതിരുന്ന രണ്ടാം ദിനമാണ് ഇന്ന്. ഇന്ന് വൈകീട്ട് 6.15 മുതല്‍ അര്‍ദ്ധരാത്രി 12.45 വരെയുള്ള സമയത്തിനിടയ്ക്ക് നിയന്ത്രണം വേണ്ടി വരുമെന്നായിരുന്നു നേരത്തെ കെഎസ്ഇബി അറിയിച്ചത്.