മലയാളികളുടെ പ്രിയപ്പെട്ട നടിയാണ് മീര ജാസ്മിന്‍. മോഹന്‍ലാലിന്റെ നായികയായി എല്‍366 എന്ന ചിത്രമാണ് മീരയുടെ പുതിയ ചിത്രം. തുടരും എന്ന ചിത്രത്തിന്റെ വിജയത്തിന് ശേഷം സംവിധായകന്‍ തരുണ്‍ മൂര്‍ത്തിയും മോഹന്‍ലാലും ഒന്നിക്കുന്ന ചിത്രമാണിത്.
ഇപ്പോഴിതാ സോഷ്യല്‍ മീഡിയയിലൂടെ മീര ജാസ്മിന്‍ പങ്കുവെച്ച ചിത്രങ്ങളാണ് വൈറലാകുന്നത്. തലയില്‍ കനകാമ്പരം ചൂടി, ചെറിയ ചെക്കുളള സാരിയുടുത്ത് റെട്രോ- ക്ലാസിക് വൈബിലുളള ചിത്രങ്ങളാണ് ആരാധക മനം കവരുന്നത്.
നെറ്റിയിലെ ചെറിയ വട്ടപ്പൊട്ടും, മിനിമല്‍ മേക്കപ്പും മീരയുടെ ചിത്രങ്ങള്‍ക്ക് കൂടുതല്‍ മനോഹാരിത നല്‍കുന്നു. നിരവധി ആരാധകര്‍ ചിത്രങ്ങള്‍ക്ക് ലൈക്കും കമന്റുമായി എത്തി.
Comments