ഹത്രാസ്: വന് ജനപിന്തുണയുമായി അധികാരത്തില് എത്തിയതിന് തൊട്ടുപിന്നാലെ ബിജെപി തനിനിറം കാട്ടുന്നോയെന്ന് യുപിയില് ആശങ്ക. യോഗി ആദിത്യനാഥ് അധികാരമേറ്റതിന് തൊട്ടു പിന്നാലെ യുപിയില് മത്സ്യവും മാംസവും വില്പ്പന നടത്തിയിരുന്ന മൂന്ന് കടകള്ക്ക് അജ്ഞാതര് തീയിട്ടു.
ചൊവ്വാഴ്ച മാന്യവര് കാന്ഷിറാം കോളനിയില് നടന്ന സംഭവം പ്രദേശത്ത് ആശങ്ക പരത്തിയിട്ടുണ്ട്. ആദിത്യനാഥ് അധികാരത്തില് ഏറ്റതിന് പിന്നാലെ ചില അറവ് ശാലകള്ക്ക് പൂട്ട് വീണത് വാര്ത്തയായിരുന്നു. അതിന് പുറകെയാണ് മത്സ്യവും മാംസവും വില്പ്പന നടത്തിയിരുന്ന കടയ്ക്കും തീയിട്ടിരിക്കുന്നത്. തിങ്കളാഴ്ച രാത്രിയിലാണ് സംഭവം നടന്നത്. അതേസമയം സംഭവത്തിന് പിന്നിലുള്ളവരെ കണ്ടെത്താന് കഴിഞ്ഞിട്ടില്ല. തങ്ങളുടെ സ്റ്റോക്ക് മുഴുവന് കത്തിത്തീര്ന്നതായി കടയുടമകള് വ്യക്തമാക്കി. സംഭവത്തില് പോലീസ് കേസെടുത്തിട്ടുണ്ട്. ഹത്രാസ് സദര് രാകേഷ് ഗുപ്ത സ്ഥലം സന്ദര്ശിച്ചിട്ടുണ്ട്.
അധികാരത്തില് എത്തിയാല് അനധികൃതമായി പ്രവര്ത്തിക്കുന്ന അറവുശാലകള് അടച്ചുപൂട്ടുന്നതിനൊപ്പം നിരോധന നടപടികളും ഉണ്ടാകുമെന്ന് പറഞ്ഞിരുന്നു. കമലഗഡ പ്രദേശത്തെ ചില അറവുശാലകള്ക്ക് തിങ്കളാഴ്ച ജില്ലാ അധികാരികള് പൂട്ടിട്ടിരുന്നു. അഗ്നിക്കിരയായ കട 2012 ല് അടച്ചു പൂട്ടിയതാണ്. എന്നാല് രഹസ്യമായി ഇത് പ്രവര്ത്തിക്കുകയായിരുന്നെന്നും വിവരമുണ്ട്. നഗരത്തില് അനധികൃതമായി പ്രവര്ത്തിച്ചു വരികയായിരുന്ന പത്തു മാംസവില്പ്പന ശാലകള്ക്കും നാലു അറവുശാലകള്ക്കും ഗസിയാബാദ് പോലീസ് തിങ്കളാഴ്ച പൂട്ട് ഇട്ടിരുന്നു.
