കഴിഞ്ഞവര്ഷത്തെ മികച്ച നടനുള്ള ദേശീയ പുരസ്കാരം ലഭിച്ച താരമാണ് അക്ഷയ്കുമാര്. റുസ്തം എന്ന ചിത്രത്തിലെ മിന്നുന്ന പ്രകടനത്തിനാണ് ബോളിവുഡിന്റെ ഈ ആക്ഷന് താരത്തിന് ആദ്യമായി അവാര്ഡ് ലഭിച്ചത്.
അതേസമയം കഴിഞ്ഞ വര്ഷത്തെ ബോളിവുഡിന്റെ വാണിജ്യതാരമാരെന്ന് ചോദിച്ചാലും ഇദ്ദേഹത്തിന്റെ പേര് തന്നെയാകും നിര്ദ്ദേശിക്കുക. കാരണം, ഒരു വര്ഷം അഭിനയിച്ച മൂന്ന് ചിത്രങ്ങളും നൂറുകോടി ക്ലബ്ബില് കയറുക എന്ന അപൂര്വ്വ ഭാഗ്യമാണ് അക്ഷയ്കുമാറിനുള്ളത്. റുസ്തം, എയര്ലിഫ്റ്റ്, ഹൗസ്ഫുള് എന്നീ ചിത്രങ്ങളാണ് 100 കോടി ക്ലബ്ബില് ഇടം പറ്റിയ ചിത്രങ്ങള്.
സംഭവ കഥയുടെ അടിസ്ഥാനത്തില് ഒരുക്കിയ റുസ്തമില് ഇലിയാന ഡിക്രൂസാണ് നായികയായി എത്തിയത്. ടിനു സുരേഷ് ദേശായി ഒരുക്കിയ ചിത്രം വാരിക്കൂട്ടിയത് 216.35 കോടിയോളം രൂപയാണ്. ഒരു നാവിക ഉദ്യോഗസ്ഥന്റെ ജീവിതം പറഞ്ഞ ചിത്രത്തില് തിളക്കമാര്ന്ന പ്രകടനമാണ് എല്ലാ കഥാപാത്രങ്ങളും കാഴ്ചവച്ചത്.
അതേസമയം കഴിഞ്ഞ വര്ഷത്തെ ബോളിവുഡിന്റെ വാണിജ്യതാരമാരെന്ന് ചോദിച്ചാലും ഇദ്ദേഹത്തിന്റെ പേര് തന്നെയാകും നിര്ദ്ദേശിക്കുക. കാരണം, ഒരു വര്ഷം അഭിനയിച്ച മൂന്ന് ചിത്രങ്ങളും നൂറുകോടി ക്ലബ്ബില് കയറുക എന്ന അപൂര്വ്വ ഭാഗ്യമാണ് അക്ഷയ്കുമാറിനുള്ളത്. റുസ്തം, എയര്ലിഫ്റ്റ്, ഹൗസ്ഫുള് എന്നീ ചിത്രങ്ങളാണ് 100 കോടി ക്ലബ്ബില് ഇടം പറ്റിയ ചിത്രങ്ങള്.
സംഭവ കഥയുടെ അടിസ്ഥാനത്തില് ഒരുക്കിയ റുസ്തമില് ഇലിയാന ഡിക്രൂസാണ് നായികയായി എത്തിയത്. ടിനു സുരേഷ് ദേശായി ഒരുക്കിയ ചിത്രം വാരിക്കൂട്ടിയത് 216.35 കോടിയോളം രൂപയാണ്. ഒരു നാവിക ഉദ്യോഗസ്ഥന്റെ ജീവിതം പറഞ്ഞ ചിത്രത്തില് തിളക്കമാര്ന്ന പ്രകടനമാണ് എല്ലാ കഥാപാത്രങ്ങളും കാഴ്ചവച്ചത്.
1950 കളില് ഇന്ത്യയെ ഞെട്ടിച്ച നാനാവതി കേസിനെ ഓര്മ്മിപ്പിച്ചാണ് സിനിമ നീങ്ങുന്നത്. ഭാര്യയുടെ കാമുകനെ വെടിവെച്ചു കൊന്ന നാവികന് നാനാവതിയുടെ ജീവിതയും പോരാട്ടങ്ങളുമാണ് സിനിമ പറഞ്ഞത്. ബ്ളിറ്റ്സ് ടാബ്ളോയ്ഡാണ് ഈ കഥ ജനങ്ങളിലേക്ക് എത്തിച്ചത്. ഇത് മുംബൈയിലെ പാഴ്സികളും സിന്ധികളും തമ്മിലുള്ള വര്ഗ്ഗീയ പ്രശ്നമായും മാറിയിരുന്നു. പാഴ്സി സമുദായക്കാരനായിരുന്നു നാനാവതിയെങ്കില് സിന്ധി വംശജനായിരുന്നു കൊല്ലപ്പെട്ട പ്രേം അഹുജ. ഹിറ്റ് ചാര്ട്ടില് ഇടം പിടിക്കുന്നതിനൊപ്പം 100 കോടി ക്ലബ്ബിലും അക്ഷയ് ചിത്രങ്ങള് ഇടംപിടിച്ചിട്ടുണ്ട്.
മലയാളി സംവിധായകനായ രാജ കൃഷ്ണ മേനോന് ഒരുക്കിയ എയര്ലിഫ്റ്റാണ് മറ്റൊരു ചിത്രം. 128 കോടിയാണ് ഇത് വാരിക്കൂട്ടിയത്. കുവൈറ്റ് യുദ്ധക്കാലത്ത് നൂറ് കണക്കിന് ഇന്ത്യാക്കാരെ രക്ഷിച്ച വ്യാവസായിയായ അക്ഷയ് എത്തുന്നത്. നിംറാത്ത് കൗറാണ് നായിക വേഷം ചെയ്തത്. മലയാളികളുടെ പ്രിയതാരം ലെനയും ചിത്രത്തില് ഒരു പ്രധാന കഥാപാത്രത്തെ അവതരിപ്പിച്ചിട്ടുണ്ട്. ഇവ രണ്ടും സംഭവകഥകളെ ആധാരമാക്കിയാണ് ഒരുക്കിയത് എന്ന പ്രത്യേകതയും മുകളില് പറഞ്ഞ രണ്ടു ചിത്രങ്ങള്ക്കുമുണ്ട്.
അഭിഷേക് ബച്ചന്, റിതേശ് ദേശ്മുഖ്, അക്ഷയ്കുമാര് എന്നിവര് പ്രധാന കഥാപാത്രമായെത്തിയ ഹൗസ്ഫുള് 3 ആണ് നൂറ് കോടി കളക്ട് ചെയ്ത രണ്ടാമത്തെ അക്ഷയ് ചിത്രം. 109 കോടിയാണ് ചിത്രം വാരിക്കൂട്ടിയത്. സാജിത് ഫര്ഹാദ് ഒരുക്കിയ ചിത്രം മുന് ഹൗസ്ഫുള് ചിത്രങ്ങളിലെ പോലെ തമാശയില് പൊതിഞ്ഞ ചിത്രമായിരുന്നു.
ആക്ഷന് താരം എന്ന പേരില് മാത്രം ഒതുങ്ങിയിരുന്ന താരത്തിന്റെ കോമഡി പരിവേഷത്തില് എത്തിച്ചതില് ജൂറി ചെയര്മാന് കൂടിയായ പ്രിയദര്ശനാണെന്ന് നിസ്സംശയം പറയാം. മലയാളത്തിലെ മികച്ച പല ചിത്രങ്ങളുടേയും ഹിന്ദിമുഖം അക്ഷയ് കുമാര് ആയിരുന്നു.
Comments