മൂന്നാര്: ദേവികുളത്തു െകെയേറ്റമൊഴിപ്പിക്കാനെത്തിയ റവന്യൂ ഉദ്യോഗസ്ഥരെ സി.പി.എം. പ്രവര്ത്തകര് തടഞ്ഞു. വിവരമറിഞ്ഞു സ്ഥലത്തെത്തിയ ദേവികുളം സബ്കലക്ടര് ശ്രീറാം വെങ്കിട്ടരാമനുനേരേ പ്രവര്ത്തകരുടെ അസഭ്യവര്ഷം. സ്ഥലം ആര്.ഡി.ഒ. കൂടിയായ സബ്കലക്ടര്ക്കുനേരേ െകെയേറ്റക്കാരുടെ സംഘം തട്ടിക്കയറിയെങ്കിലും പോലീസ് െകെയുംകെട്ടി നോക്കിനിന്നു. െകെയേറ്റമൊഴിപ്പിക്കാതെ പിന്മാറില്ലെന്നു സബ് കലക്ടര് നിലപാടു കടുപ്പിക്കുകയും സംഭവം വിവാദമാകുകയും ചെയ്തതോടെ സ്ഥലം െകെയേറി നിര്മിച്ച ഷെഡ് സി.പി.എമ്മുകാര് തന്നെ പിന്നീടു പൊളിച്ചുമാറ്റി. റവന്യൂ സംഘത്തിലുണ്ടായിരുന്ന ഭൂസംരക്ഷണ സേനാംഗത്തെ െകെയേറ്റക്കാരുടെ സംഘം മര്ദിച്ചെന്നും ആരോപണമുണ്ട്.
എക്സിക്യൂട്ടീവ് മജിസ്ട്രേറ്റ് കൂടിയായ സബ്കലക്ടറുടെ നിര്ദേശം അവഗണിച്ച പോലീസ് ഉദ്യോഗസ്ഥര്ക്കെതിരേ നടപടിയുണ്ടാകുമെന്നാണു സൂചന. ഇക്കാര്യത്തില് ജില്ലാ കലക്ടറും സര്ക്കാരിനു പ്രാഥമിക റിപ്പോര്ട്ട് നല്കി. ഇന്നലെ ഉച്ചയ്ക്കു 12 മണിയോടെയാണു സംഭവങ്ങളുടെ തുടക്കം. ദേവികുളം കമ്യൂണിറ്റി ആരോഗ്യകേന്ദ്രത്തിനു സമീപത്തെ െകെയേറ്റമൊഴിപ്പിക്കാനാണു റവന്യൂ സംഘമെത്തിയത്. ആരോഗ്യവകുപ്പില്നിന്നു വിരമിച്ച മണിയെന്നയാള് നിര്മിച്ച ഷെഡിന്റെ കൂര പൊളിച്ചു തുടങ്ങുന്നതിനിടെ വാര്ഡ് മെമ്പറും സി.പി.എം. നേതാവുമായ സുരേഷിന്റെയും ഡി.െവെ.എഫ്.ഐ. നേതാവ് ജോബി ജോണിന്റെയും നേതൃത്വത്തിലെത്തിയ സംഘം ഉദ്യോഗസ്ഥരെ തടഞ്ഞു.
പിന്മാറില്ലെന്ന് ഉദ്യോഗസ്ഥര് നിലപാട് എടുത്തതോടെ സംഘര്ഷാവസ്ഥയായി. ഇതിനിടെയാണു ഭൂസംരക്ഷണ സേനാംഗത്തിനു മര്ദനമേറ്റത്. വിവരമറിഞ്ഞ് സ്ഥലത്തെത്തിയ സബ്കലക്ടര് ശ്രീറാം വെങ്കിട്ടരാമനെ അസഭ്യവര്ഷത്തോടെയാണ് സി.പി.എം. നേതാക്കള് സ്വീകരിച്ചത്. കൈയേറ്റമൊഴിപ്പിക്കാതെ മടങ്ങില്ലെന്ന നിലപാടിലായിരുന്നു സബ്കലക്ടര്. ഇതോടെ വീണ്ടും സംഘര്ഷാവസ്ഥ ഉടലെടുത്തു. ഭൂസംരക്ഷണ സേനാംഗത്തെ മര്ദിച്ച വാര്ഡ് മെമ്പറെ അറസ്റ്റ് ചെയ്യണമെന്നു സബ്കലക്ടര് ആവശ്യപ്പെട്ടിട്ടും പോലീസ് തയാറായില്ല. പരാതി കിട്ടിയിട്ടില്ലെന്നായിരുന്നു പോലീസിന്റെ ന്യായം. എസ്. രാജേന്ദ്രന് എം.എല്.എ. സ്ഥലത്ത് എത്തിയെങ്കിലും രംഗം നിരീക്ഷിച്ച് ഉടന് മടങ്ങി.
ദേവികുളം പോലീസ് നടപടിയെടുക്കാതെ വന്നതോടെ സബ്കലക്ടര് ഉന്നത പോലീസ് ഉദ്യോഗസ്ഥരെ വിവരമറിയിച്ചു. തുടര്ന്ന് മൂന്നാര് എസ്.ഐ: പി. ജിതേഷിന്റെ നേതൃത്വത്തിലുള്ള സംഘമെത്തി വാര്ഡ് അംഗത്തെ അറസ്റ്റ് ചെയ്തു. സംഭവം കൂടുതല് വിവാദമാകുമെന്നു തിരിച്ചറിഞ്ഞതോടെ പിന്നീട് സി.പി.എം. പ്രവര്ത്തകര് തന്നെ കൈയേറ്റ സ്ഥലത്തെ ഷെഡ് പൊളിച്ചു മാറ്റി. കൈയേറ്റ സ്ഥലത്ത് കമ്പുകള് നാട്ടി തകര ഷീറ്റ് ഉപയോഗിച്ചാണ് ഷെഡ് നിര്മിച്ചിരുന്നത്. ഇവിടെ കോണ്ക്രീറ്റ് ഉപയോഗിച്ച് പണി ആരംഭിക്കാനുള്ള നീക്കത്തിനിടെയാണ് റവന്യൂ സംഘം ഒഴിപ്പിക്കലിനെത്തിയത്. അറസ്റ്റിലായ സി.പി.എം. നേതാവ് സുരേഷിനെ പിന്നീട് പോലീസ് വിട്ടയച്ചു.
