വോട്ടു ചെയ്ത പാവത്തുങ്ങള്‍ക്കെങ്കിലും ബീഫ് വാങ്ങിക്കൊടുത്തിട്ട് പോടേയ്...; 'ബി.ജെ.പി മത്സരിച്ചത് നോട്ടയോടോ'? മലപ്പുറം തെരഞ്ഞെടുപ്പ് കൊഴുപ്പിച്ച് ട്രോളന്മാര്‍

മലപ്പുറം ഉപതെരഞ്ഞെടുപ്പ് ആഘോഷമാക്കി ട്രോളന്മാര്‍. ജയിപ്പിച്ചു കഴിഞ്ഞാല്‍ മലപ്പുറം മുഴുവനും നല്ല ബീഫ് ലഭ്യമാക്കാമെന്ന ബി.ജെ.പി സ്ഥാനാര്‍ത്ഥിയുടെ പ്രസ്താവനയാണ് ട്രോളന്മാര്‍ ഏറ്റെടുത്തിരിക്കുന്നത്. 'വയറുനിറയെ ബീഫ് വാങ്ങിത്തരാമെന്ന്' പറഞ്ഞിട്ടുപോലും ബി.ജെ.പിയ്ക്ക് വോട്ടുചെയ്യാതിരുന്ന വോട്ടര്‍മാരെയും ട്രോളന്മാര്‍ വരച്ചു കാട്ടുന്നു.

'നിങ്ങള്‍ക്ക് വോട്ടുചെയ്ത പാവത്തുങ്ങള്‍ക്കെങ്കിലും ഇല്ല്യോളം ബീഫ് വാങ്ങിക്കൊടുത്തിട്ട് പോടേയ്...' എന്നു പറയുന്ന യ.ഡി.എഫ്, എല്‍.ഡി.എഫ് പ്രവര്‍ത്തകരും ട്രോളപ്പെട്ടിട്ടുണ്ട്.

ഇലക്ഷന്‍ കഴിഞ്ഞു വീട്ടിലെ ഏണി കൊത്തിനുറുക്കുന്ന എതിര്‍പാര്‍ട്ടി അനുഭാവിയെ ആണ് ഒരു പോസ്റ്റില്‍ ചിത്രീകരിച്ചിരിക്കുന്നത്. 'നോട്ട'യോടാണ് ബി.ജെ.പി മത്സരിച്ചതെന്നാണ് ട്രോളന്മാര്‍ പറയുന്നത്. നോട്ടയെക്കാള്‍ വോട്ടു പിടിച്ചല്ലോ എന്നോര്‍ത്തെങ്കിലും സമാധാനിക്കാമല്ലോ...