കണ്ണൂര്: മതചിഹ്നങ്ങള് ഉപയോഗിച്ച് കയ്യേറ്റ ശ്രമങ്ങളെ ന്യായീകരിക്കാനുള്ള നീക്കത്തോട് കോണ്ഗ്രസിന് യോജിപ്പില്ലെന്ന് പ്രതിപക്ഷ നേതാവ് രമേശ് ചെന്നിത്തല. സര്ക്കാര് ഭൂമി സംരക്ഷിക്കുക എന്നത് സര്ക്കാരിന്റെയും മുഖ്യമന്ത്രിയുടെയും ചുമതലയാണ്. എന്നാല് ഇവിടെ കയ്യേറ്റങ്ങള്ക്ക് അനുകൂലമായ നിലപാടാണ് മുഖ്യമന്ത്രി സ്വീകരിക്കുന്നതെന്നും ചെന്നിത്തല പറഞ്ഞു. കണ്ണൂരില് വാര്ത്താ സമ്മേളനത്തില് സംസാരിക്കുകയായിരുന്നു ചെന്നിത്തല.
ജെ.സി.ബി ഉപയോഗിച്ചായിരുന്നില്ല കുരിശ് പൊളിക്കേണ്ടിയിരുന്നതെന്ന് ചെന്നിത്തല പറഞ്ഞു. ആഭ്യന്തര വകുപ്പ് കൈകാര്യം ചെയ്യുന്ന മുഖ്യമന്ത്രി അറിയാതെ 144 പ്രഖ്യാപിച്ചു എന്നത് അത്ഭുതകരമായ കാര്യമാന്നെും പ്രതിപക്ഷ നേതാവ് പറഞ്ഞു. ഒന്നുകില് ഭരണത്തില് നടക്കുന്ന കാര്യങ്ങള് മുഖ്യമന്ത്രി അറിയുന്നില്ല. അല്ലെങ്കില് മുഖ്യമന്ത്രി എല്ലാം മറച്ചു വയ്ക്കുന്നുവെന്നും ചെന്നിത്തല പറഞ്ഞു.
ഏറ്റെടുക്കേണ്ട സ്ഥലങ്ങളുടെ മുന്ഗമണനാ ക്രമം സര്ക്കാര് തീരുമാനിക്കണമായിരുന്നു. എല്ലാത്തിനും പിന്നില് ആസൂത്രിതമായ ഗൂഡാലോചനയുണ്ടെന്ന് കരുതേണ്ടിയിരിക്കുന്നു. കയ്യേറിയ സര്ക്കാര് ഭൂമി പിടിച്ചെടുക്കുന്നതിനെ ആരും എതിര്ക്കില്ല. സര്വകക്ഷി യോഗത്തിന്റെ സാംഗത്യം എന്താണെന്ന് മനസിലാകുന്നില്ലെന്നും ചെന്നിത്തല കൂട്ടിച്ചേര്ത്തു.
