തിരുവനന്തപുരം : ദേശീയ-സംസ്ഥാന പാതയോരങ്ങളിലെ 500 മീറ്ററിന് ഉള്ളില് വരുന്ന മദ്യശാലകള് നിരോധിച്ചുള്ള സുപ്രീംകോടതി വിധിയെ അട്ടിമറിക്കാനായി സംസ്ഥാന സര്ക്കാരും മദ്യശാല ഉടമകളും ഒത്തുകളിച്ച് നടത്തിയ ഗൂഢനീക്കമെന്ന് ഹൈക്കോടതി വിധിയിലൂടെ പരാജയപ്പെട്ടതെന്ന് മുന് കെ.പി.സി.സി പ്രസിഡന്റ് വി.എം സുധീരന്. ഫേസ്ബുക്കിലൂടെയാണ് സുധീരന് ഇക്കാര്യം വ്യക്തമാക്കിയിരിക്കുന്നത്.
സുധീരന്റെ ഫേസ്ബുക്ക് പോസ്റ്റിന്റെ പൂര്ണ്ണരൂപം;-
ജനരക്ഷയ്ക്ക് വേണ്ടി ദേശീയസംസ്ഥാന പാതയോരങ്ങളിലെ 500 മീറ്ററിനകത്തു വരുന്ന മദ്യശാലകള് നിരോധിച്ചുകൊണ്ടുള്ള ബഹു. സുപ്രീം കോടതിവിധിയെ അട്ടിമറിക്കുന്നതിനായി സംസ്ഥാനസര്ക്കാരും മദ്യശാലക്കാരും ഒത്തുകളിച്ച് നടത്തിയ ഗൂഢനീക്കമാണ് ഇന്നലെയുണ്ടായ ബഹു. ഹൈക്കോടതിവിധിയിലൂടെ പരാജയപ്പെട്ടത്.
കണ്ണൂര് കുറ്റിപ്പുറം പാതയും ചേര്ത്തല- തിരുവനന്തപുരം പാതയും ദേശീയ പാതയാണോ അല്ലയോ എന്ന് സര്ക്കാരിനുണ്ടായ സംശയം എത്രയോ പരിഹാസ്യമാണ്. മദ്യലോബിക്ക് വേണ്ടി എന്തും ചെയ്യാന് മടിക്കില്ലെന്ന സര്ക്കാര് നിലപാടിന്റെ തുടര്ച്ചയാണ് പുതിയ മദ്യനയം. കേരളത്തെ ഒരു വലിയ സാമൂഹ്യ ദുരന്തത്തിലേക്ക് തള്ളിവിടുന്ന ഈ ദുര്നയത്തില് നിന്നും ജനങ്ങള്ക്ക് രക്ഷ കിട്ടാന് ജുഡീഷ്യറിയുടെ ഇടപെടല് ഉണ്ടാകുന്നതിനായി നമുക്ക് ശ്രമിക്കാം.
ജനങ്ങള് തെരഞ്ഞെടുത്ത ഭരണകൂടം ജനതാല്പര്യം സംരക്ഷിക്കുന്നതില് പരാജയപ്പെടുമ്പോള് ജനരക്ഷയ്ക്കായി കോടതിയെ ആശ്രയിക്കുകയാണ് കരണീയമായിട്ടുള്ളത്.
