പ്രകൃതിയുടെ പ്രതിഭാസങ്ങളെ അതിജീവിച്ച് പിടിച്ചു നില്ക്കുകയാണെങ്കില് അടുത്ത 200 മുതല് 500 വര്ഷത്തിനകം പുതുജീവിതം തേടി മനുഷ്യന് മറ്റ് ഗ്രഹങ്ങളിലേക്ക് പോകുമെന്ന് വിഖ്യാത ശാസ്ത്രജ്ഞന് സ്റ്റീഫന്സ്ഹോക്കിംഗ്സ്. ആഗോളതാപനവും കാലാവസ്ഥാ വ്യതിയാനവും സംഭവിച്ചു കൊണ്ടിരിക്കുമ്പോള് പാരീസ് ഉടമ്പടിയില് നിന്നും പിന്മാറാനുള്ള ഡൊണാള്ഡ് ട്രംപിന്റെ തീരുമാനത്തെ ആന മണ്ടത്തരം എന്ന് വിശേഷിപ്പിക്കാനും അദ്ദേഹം മറന്നില്ല.
ഈ ലോകം ഈ രീതിയില് കാണാന് കാലാവസ്ഥാ വ്യതിയാനത്തില് എടുക്കേണ്ട ഏറ്റവും ഗൗരവവും തെറ്റായതുമായ തീരുമാനമായിരുന്നു ട്രംപിന്റേതെന്ന് നോര്വേയിലെ ഒരു പരിപാടിയില് പങ്കെടുത്ത് സംസാരിക്കവേ അദ്ദേഹം പറഞ്ഞു. ആഗോളതാപനവും കാലാവസ്ഥാ വ്യതിയാനവുമൊക്കെ ട്രംപിനെപോലെ തനിക്ക് നിഷേധിക്കാന് കഴിയുന്ന കാര്യമല്ലെന്നും പറഞ്ഞു. ബഹിരാകാശത്ത് പുതിയ പരീക്ഷണങ്ങളുടെ ഭാഗമായി ഗവേഷകരെ 2020 ല് ചന്ദ്രനിലേക്ക് അയയ്ക്കണമെന്നും പറഞ്ഞു. 30 വര്ഷത്തേക്ക് ചന്ദ്രനില് ഒരു താവളം ഉണ്ടാക്കി 2025 ഓടെ അവിടേയ്ക്ക് ആള്ക്കാരെ അയച്ചു തുടങ്ങണമെന്നും പറഞ്ഞു. ബഹിരാകാശ വ്യാപനം ഭാവിയില് മനുഷ്യനെ പൂര്ണ്ണമായും മാറ്റിമറിക്കും. എല്ലാവര്ക്കും ഒരുപോലെ വെല്ലുവിളിയായ ഈ കാര്യമായിരിക്കും രാഷ്ട്രങ്ങള് തമ്മിലുള്ള അടുത്ത മത്സരം.
ഇത്തരം ഒരു കാര്യത്തിലേക്കുള്ള യുവാക്കളുടെ താല്പ്പര്യം ആസ്ട്രോഫിസിക്സും കോസ്മോളജിയും പോലെയുള്ള ശാസ്ത്രത്തിന്റെ ഉപ വിഭാഗങ്ങളിലേക്കും ശ്രദ്ധയെ നയിക്കും. നമ്മള് തന്നെ ഭൂമിക്ക് സമ്മാനിച്ച കാലാവസ്ഥാ വ്യതിയാനങ്ങളുടെ ഭാഗമായി പല ഭാഗങ്ങളിലുമായി ഭൂമി നേരിടുന്നത് കടുത്ത വെല്ലുവിളിയാണ്. ഭീഷണി വലുതും എണ്ണമറ്റതുമാണ്. നമ്മുടെ ഭൗതീക ഉറവിടങ്ങള് ഭീതി തോന്നും വിധത്തില് ഇല്ലാതാകുകയാണ്. മറ്റൊരു ലോകത്തേക്ക് നമ്മുക്ക പോകാന് അവസരമുണ്ടെങ്കില് അത് ബഹിരാകാശത്ത് മറ്റൊരു ഗ്രഹം മാത്രമാണ് വഴി.
നമ്മളെ നമ്മളില് നിന്നു തന്നെ രക്ഷിക്കാനുള്ള ഒരേയൊരു വഴി മനുഷ്യന് ഭൂമിയെ ഉപേക്ഷിക്കുക എന്നതാണ്. ഭൂമിയുടെ 30 പ്രകാശ വര്ഷം അപ്പുറത്ത് 1000 നക്ഷത്രങ്ങളെങ്കിലുമുണ്ട്. ഭൂമിയുടെ ഒരു ശതമാനമെങ്കിലും ഉണ്ടെങ്കില് പുതിയ ലോകത്ത് പത്തു പേര്ക്കെങ്കിലും താമസിക്കാം. ഇനിയൊരു 1000 വര്ഷം കൂടി ഭൂമിയില് താമസിക്കാന് കഴിയില്ലെന്നും അതിനിടയില് പുതിയ വീടിനായി നാം ഇപ്പോഴേ തുടങ്ങണമെന്നും അദ്ദേഹം പറഞ്ഞു.
