തിരുവനന്തപുരം: വന് ചര്ച്ചയായി മാറിയ നടിയെ തട്ടിക്കൊണ്ടു പോയ കേസില് ദൃശ്യങ്ങള് അടങ്ങിയ ഒറിജിനല് മെമ്മറി കാര്ഡ് കണ്ടെത്താന് പോലീസ് കിണഞ്ഞു പരിശ്രമിക്കുമ്പോള് പള്സര് സുനിയും സംഘവും നടിയെ പീഡിപ്പിക്കുന്നതിന്റെ ദൃശ്യം ചോര്ന്നതായി റിപ്പോര്ട്ട്. രഹസ്യമായി സൂക്ഷിച്ചിരുന്ന ദൃശ്യം കൊച്ചിയിലെ ഒരു പ്രമുഖ മെഡിക്കല് കോളേജ് വിദ്യാര്ത്ഥികള് കണ്ടതായും അവരുടെ ക്ളാസ്സിന്റെ ഭാഗമായി അദ്ധ്യാപകന് പ്രദര്ശിപ്പിച്ചതായും കേരളാകൗമുദി പത്രമാണ് വാര്ത്ത പുറത്തു വിട്ടിട്ടുള്ളത്.
പ്രകൃതിവിരുദ്ധ പീഡനത്തിന്റെ രണ്ട് മൃഗീയമായ ദൃശ്യങ്ങളാണ് കണ്ടതെന്ന് വിദ്യാര്ത്ഥികള് പറഞ്ഞതായും പത്രം പറയുന്നുണ്ട്. ജൂണ് അവസാന ആഴ്ച ഫോറന്സിക് പഠനത്തിന്റെ ഭാഗമായി രണ്ടാം വര്ഷ മെഡിക്കല് വിദ്യാര്ത്ഥികളെയായിരുന്നു കാണിച്ചത്. രണ്ടര മിനിറ്റ് ദൈര്ഘ്യമുള്ള ദൃശ്യങ്ങള് കോളേജില് കാണിച്ച വിവരം വിദ്യാര്ത്ഥികളില് നിന്നും അറിഞ്ഞ ചില രക്ഷിതാക്കള് വിവരം ഉന്നത പോലീസ് ഉദ്യോഗസ്ഥരെ അറിയിക്കുകയും ചെയ്തിട്ടുള്ളതായിട്ടാണ് വാര്ത്തയില് പറഞ്ഞിട്ടുള്ളത്. ബലാത്സംഗത്തിന്റെ വിവിധ വശങ്ങളുമായി ബന്ധപ്പെട്ട ഫോറന്സിക് പരമായ കാര്യങ്ങള്, അതിന്റെ നിയമവശങ്ങള് എന്നിവ പഠിപ്പിക്കുന്നതിനിടെയാണ് അദ്ധ്യാപകന് ഈ ദൃശ്യങ്ങളും പ്രദര്ശിപ്പിച്ചതത്രേ.
ദൃശ്യങ്ങള് കണ്ടിരുന്ന കുട്ടികള്ക്ക് വിവരം പുറത്തു പറയാന് പോലും ഭയമായിരുന്നെന്നും പിന്നീട് പലരും മാതാപിതാക്കളെ അറിയിക്കുകയായിരുന്നെന്നുമാണ് വിവരം. വിവരം പറഞ്ഞറിഞ്ഞ ഒരു രക്ഷിതാവിനോട് ദൃശ്യം ജോലിയുടെ ഭാഗമായി മുമ്പ് കണ്ടിട്ടുള്ള ഒരു ഡോക്ടര് ചോരാനുള്ള ഒരു സാധ്യതയും ഇല്ലെന്ന് അറിയിച്ചപ്പോള് കണ്ട വിദ്യാര്ത്ഥിയില് നിന്നുള്ള വിവരണം രക്ഷിതാവ് നല്കിയെന്നും തുടര്ന്ന് ഡോക്ടര്ക്ക് അത് ശരി വെയ്ക്കേണ്ടി വന്നെന്നുമാണ് പത്രം വാര്ത്ത പുറത്തുവിട്ടിരിക്കുന്നത്.
രഹസ്യമായി സൂക്ഷിച്ച ദൃശ്യങ്ങള് പുറത്ത് പോയി എന്ന വിവരം പോലീസിനെയും ഞെട്ടിച്ചിരിക്കുകയാണ്. മെഡിക്കല് കോളേജിലെ ഫോറന്സിക് വിഭാഗത്തിലെ അദ്ധ്യാപകന് ദൃശ്യം എങ്ങിനെ കിട്ടിയെന്നാണ് ഇപ്പോള് ഇവരുടെ സംശയം. കേസുമായി ബന്ധപ്പെട്ട് ദിലീപിന്റെ അറസ്റ്റ് നടക്കുന്നതിന് മുമ്പ് തന്നെ ദൃശ്യങ്ങള് ചോര്ന്നതാണോ പോലീസിന് ലഭിക്കും മുമ്പ് സുനി ദൃശ്യങ്ങള് ചോര്ത്തിയോ എന്നും പോലീസ് സംശയിക്കുന്നുണ്ട്.
കേസില് മൊബൈലിലൂടെ ദൃശ്യങ്ങള് പകര്ത്തിയ മെമ്മറി കാര്ഡിനായി പോലീസ് ഇപ്പോഴും തെരച്ചില് നടത്തിക്കൊണ്ടിരിക്കുകയാണ്. അടുത്തിടെ ഫോണ് സിം മാറ്റിയ ദിലീപിന്റെ ഒരു വിദേശ സുഹൃത്തിനെ കേന്ദ്രീകരിച്ചും അന്വേഷണം നടക്കുന്നുണ്ട്. വിദേശ സുഹൃത്തിന്റെ കൈവശം മെമ്മറി കാര്ഡ് കൊടുത്തുവിട്ടോ എന്ന സംശയവും ഉയരുന്നുണ്ട്. അങ്ങിനെ സംഭവിച്ചിട്ടുണ്ടെങ്കില് അത് വിദേശത്ത് നിന്നും അപ് ലോഡ് ചെയ്യാനുള്ള സാധ്യതകളെ ഇല്ലാതാക്കാനുള്ള ശ്രമത്തിലാണ് പോലീസ്.
