ന്യൂഡല്ഹി: ഇന്ത്യയുടെ ഏറ്റവും മികച്ച പ്രതിരോധക്കാരന് അനസ് എടത്തൊടികയെ കിട്ടാത്തതിന്റെ നിരാശ ഇതുവരെ മാറിയിട്ടില്ല. എന്നാല് ഇതാ മലയാളത്തിന്റെ സ്വന്തം ബ്ളാസ്റ്റേഴ്സ് ആരാധകര്ക്ക് ആവേശവുമായി പുതിയ വാര്ത്തയെത്തി. മലയാളികളുടെ സ്വന്തം ഹ്യൂമേട്ടന് മഞ്ഞയില് കളിച്ചാടാന് വരുന്നു. ഇന്ത്യന് സൂപ്പര്ലീഗ് ഫുട്ബോളിന്റെ അടുത്ത സീസണില് കാനഡക്കാരന് ഇയാന് ഹ്യൂം ബ്ളാസ്റ്റേഴ്സില് കളിക്കുമെന്ന് സ്ഥിരീകരിക്കാത്ത റിപ്പോര്ട്ടുണ്ട്. താരവുമായി ബ്ളാസ്റ്റേഴ്സ് അധികൃതര് ഉടന് കരാറില് എത്തുമെന്നാണ് സൂചനകള്.
അര്ദ്ധാവസരങ്ങള് പോലും ഗോളാക്കാന് കഴിയുന്ന ഇന്ത്യന് സുപ്പര്ലീഗ് കണ്ട ഏറ്റവും മികച്ച മദ്ധ്യനിരക്കാരില് ഒരാളായ ഹ്യൂം ആദ്യ സീസണില് ബ്ളാസ്റ്റേഴ്സിനെ ഫൈനലിലേക്ക് നയിച്ച് മലയാളികളുടെ നെഞ്ചില് കുടിയേറിയ താരമാണ്. മുന് ഇംഗ്ളീഷ് താരം ഡേവിഡ് ജെയിംസ് പരിശീലിപ്പിച്ച ടീമിന്റെ കുന്തമുന ആയിരുന്നു മലയാളികളുടെ ഹ്യൂമേട്ടന് പിന്നീട് രണ്ടു സീസണില് കൊല്ക്കത്തയിലേക്ക് ചേക്കേറി. കഴിഞ്ഞ തവണ ബ്ളാസ്റ്റേഴ്സിന് എതിരേ ഫൈനലില് അത്ലറ്റിക്കോ ഡി കൊല്ക്കത്ത കളിച്ചപ്പോഴും ഹ്യൂം കൊല്ക്കത്തയ്ക്ക് ഒപ്പമായിരുന്നു. എന്നാല് കഴിഞ്ഞ രണ്ടു സീസണില് എതിരാളികളായിട്ടും ഹ്യൂമിനോടുള്ള മലയാളി ആരാധകരുടെ പ്രേമം ഒട്ടും കുറഞ്ഞില്ലായിരുന്നു.
ഈ സീസണില് മാഞ്ചസ്റ്റര് യുണൈറ്റഡിന്റെ ദ്രോണാചാര്യര് അലക്സ് ഫെര്ഗൂസന്റെ സഹായിയായിരുന്ന റെനെ മെവുലെന്സ്റ്റീന് ആണ് ബ്ളാസ്റ്റേഴ്സിനെ പരിശീലിപ്പിക്കാനായി എത്തുന്നത്. ഈ സീസണിലേക്കുള്ള ഇന്ത്യന് താരങ്ങളുടെ ലേലം ഇന്നലെ പൂര്ത്തിയായിരിക്കെ താരവുമായി ബ്ളാസ്റ്റേഴ്സ് മാനേജ്മെന്റ് സംസാരിച്ചതായി സ്ഥിരീകരിക്കാത്ത റിേപ്പാര്ട്ടുകളുണ്ട്. അതിനിടയില് ഈ സീസണില് കളിക്കാന് ചെല്സിയുടെയും ബാഴ്സിലോണയുടെയും മുന് താരം എയ്ദര് ഗുഡ്ജോണ്സണ് ഐഎസ് എല്ലില് കളിച്ചേക്കുമെന്ന് റിപ്പോര്ട്ടുണ്ട്.
എഫ് സി പൂനെയ്ക്കായി താരം കളത്തില് എത്തുമെന്നാണ് സൂചനകള്. ഇതിന് മുന്നോടിയായി താരം സ്പെയിനില് പരിശീലനത്തിലാണത്രേ. ഈ കഴിഞ്ഞ യൂറോ 2016 ല് മികച്ച പ്രകടനം നടത്തിയ ടീമുകളില് ഒന്നായ ഐസ് ലന്റ് ടീമില് ഗുഡ്ജോണ്സണ് കളിച്ചിരുന്നു. മാഞ്ചസ്റ്റര് യുെെണറ്റഡ് മുന് കളിക്കാരനും ഇംഗ്ളണ്ടിെന്റ സ്െെ്രടക്കറുമായിരുന്ന െടഡി െഷറിങ്ങാം അത്ലറ്റിേക്കാ ഡി െകാല്ക്കത്തെയ പരിശീലിപ്പിക്കാന് എത്തുന്നു എന്നതാണ് മെറ്റാരു ്രപധാന വിേശഷം. ആസ്റ്റണ് വില്ല മുന് േബാസ് േജാണ് ്രഗിഗറിയാണ് െചെെന്ന േബാസ്.
