സഹരന്പൂര്: നഷ്ടപരിഹാരം കൊണ്ട് എത്ര പണം നല്കി മറയ്ക്കാന് ശ്രമിച്ചാലും വെന്റിലേറ്റര് ഇല്ലെന്ന് പറഞ്ഞ് തമിഴ്നാട്ടുകാരന് മുരുകനോട് കേരളത്തിലെ സ്വകാര്യ ആശുപത്രികള് ചെയ്ത ചതി മലയാളി ഒരിക്കലും മറക്കാനിടയില്ല. സമാനഗതിയില് ചികിത്സ നിഷേധിക്കപ്പെട്ട് ഗര്ഭിണിക്ക് മടക്കയാത്രയില് ഇ - റിക്ഷയില് പ്രസവം.
സഹാരന്പൂരില് കഴിഞ്ഞ ദിവസം നടന്ന സംഭവത്തില് പട്ടണത്തിന്റെ ഹൃദയഭാഗത്ത് സ്ഥിതി ചെയ്യന്ന ആശുപത്രി അര്ദ്ധരാത്രിയിലാണ് ഗര്ഭിണിയെ പരിചരിക്കാന് കൂട്ടാക്കാതെ മടക്കി അയച്ചത്. നിസ്സഹായനായ ഭര്ത്താവ് തൊട്ടടുത്ത മറ്റൊരു ആശുപത്രിയിലേക്ക് പോകും വഴി യുവതി റിക്ഷയ്ക്കുള്ളില് പ്രസവിച്ചു. സംഭവത്തില് കൂലിപ്പണിക്കാരനായ മുനവര് പോലീസിന് പരാതി നല്കിയിട്ടുണ്ട്. ആഗസ്റ്റ് 14 ന് അര്ദ്ധരാത്രിയിലായിരുന്നു മുനാവര് നിറഗര്ഭിണിയായ ഭാര്യയെ ജില്ലാ വനിതാ ഹോസ്പിറ്റലില് പ്രവേശിപ്പിക്കാന് എത്തിയത്.
എന്നാല് യുവതിയെ നിര്ദ്ദയം ഒഴിവാക്കാന് ശ്രമിച്ച ഹോസ്പിറ്റല് ജീവനക്കാര് പരിശോധിക്കാന് പോലും കൂട്ടാക്കിയില്ല. ഇതേ തുടര്ന്ന മറ്റൊരു ആശുപത്രിയിലേക്ക് കൊണ്ടു പോകുമ്പോള് വാഹനത്തിനുള്ളില് യുവതി ഒരു ആണ്കുഞ്ഞിന് ജന്മം നല്കുകയായിരുന്നു.
തുടര്ന്ന് തള്ളയേയും കുഞ്ഞിനെയും മറ്റൊരു സ്വകാര്യ ആശുപത്രിയില് പ്രവേശിപ്പിച്ചു. ആശുപത്രിക്കെതിരേ നടപടി ആവശ്യപ്പെട്ട് മിശ്ര പരാതി നല്കിയിട്ടുണ്ട്. ജനകപുരി പോലീസ് സ്റ്റേഷനിലാണ് പരാതി നല്കിയത്. അന്വേഷണം നടന്നു വരികയാണ്.
