ന്യൂഡല്ഹി : ദേര സച്ച സൗദ തലവന് ഗുര്മീത് റാം റഹീം സിങിന്റെ സിര്സയിലെ ആശ്രമമായ കുരുക്ഷേത്രയില് സൈന്യം പ്രവേശിച്ചു. ആശ്രമത്തിനുള്ളില് നിരവധി അനുയായികള് തടിച്ചു കൂടി നില്ക്കുന്നതിനിടയിലും ഉള്ളില് പ്രവേശിച്ച സൈന്യം ഫ്ളാഗ് മാര്ച്ച് നടത്തുകയും ആശ്രമത്തിലെ രണ്ട് ഓഫീസുകള് പൂട്ടിക്കുകയും ചെയ്തു.
ഇതിനിടെ, ഗുര്മീത് റാമിന്റെ സ്വത്തുക്കള് കണ്ടുകെട്ടാന് പഞ്ചാബ്-ഹരിയാന കോടതി കഴിഞ്ഞ ദിവസം ഉത്തരവിട്ടിരുന്നു. ആക്രമണങ്ങളില് ഉണ്ടായ നഷ്ടം നികത്താനാണ് സ്വത്തുക്കള് കണ്ടുകെട്ടാന് കോടതി ഉത്തരവിട്ടിരിക്കുന്നത്. ഇതിന്റെ ഭാഗമായി മുഴുവന് ദേര ആശ്രമങ്ങളും അടച്ചുപൂട്ടി അന്തേവാസികള് ഒഴിഞ്ഞുപോകണമെന്നും കോടതി നിര്ദേശിച്ചിട്ടുണ്ട്.
