പഞ്ചകുല: ''ദേരാ സച്ചാ സൗദാ പ്രചരിപ്പിക്കുന്നതിനായി ഞാനെന്റെ ജീവിതം ഉഴിഞ്ഞു വെയ്ക്കുന്നു. അപകടത്തിലോ മറ്റേതെങ്കിലും വിധത്തിലോ ഞാന് മരിച്ചാല് അതിന് ഉത്തരവാദി ഞാന് തന്നെയായിരിക്കും. മറ്റാരും എന്റെ മരണത്തിന് ഉത്തരവാദികളല്ല. ദേരാ സച്ചാ സൗദയും ഉത്തരവാദിയായിരിക്കില്ല. ബന്ധുക്കളോ കുടുംബാംഗങ്ങളോ ദേരാ സച്ചാ സൗദയെ ഇക്കാര്യത്തില് കുറ്റം പറയേണ്ടതുമില്ല. '' സിര്സാ സ്വദേശി ഇന്ദു എന്നയാള് ഒപ്പിട്ട സത്യവാങ്മൂലത്തിലെ വാക്കുകളാണ് ഇത്. ദേരയില് ഗുര്മീതിന് വേണ്ടി ആത്മഹത്യാ സ്ക്വാഡുകള് സജ്ജമാണെന്ന രഹസ്യാന്വേഷണ വിഭാഗത്തിന്റെ മുന്നറിയിപ്പ് സത്യമാണെന്ന് തെളിയുകയാണ്.
ഗുര്മീത് റാം റഹീം സിംഗിനെതിരേ ക്രിമിനല് കേസില് സിബിഐ അന്വേഷണം ആരംഭിച്ചപ്പോള് ഇത്തരത്തില് അനേകം കത്തുകളാണ് തയ്യാറാക്കപ്പെട്ടത്. റജിസ്ട്രേഡ് സ്റ്റാംപ് പേപ്പറുകളില് തയ്യാറാക്കിയിരുന്ന ഇത്തരം രേഖകള് ഗുര്മീത് രണ്ടു സാധ്വികളെ പീഡിപ്പിച്ചെന്ന കുറ്റത്തിന് ആഗസ്റ്റ് 25 ന് സിബിഐ കോടതി കുറ്റക്കാരനാണെന്ന് കണ്ടെത്തിയതോടെ അനേകമാണ് പുറത്തുവന്നത്. ദേരയില് ഗുര്മീതിന് വേണ്ടി ആത്മഹത്യാ സ്ക്വാഡുകള് തയ്യാറാകുന്നു എന്നതിന്റെ തെളിവാണ് ഇതെന്ന് പോലീസ് പറഞ്ഞു. ദേരാ തലവനെതിരേയുള്ള അന്വേഷണത്തിന്റെ വഴി മുടക്കാനും സമ്മര്ദ്ദം ഉണ്ടാക്കാനും വേണ്ടി ഇവര് ഏതറ്റം വരെയും പോകുമെന്നും പോലീസ് ഭയക്കുന്നു.
ഗുര്മീതിനെ ശിക്ഷിച്ച സാഹചര്യത്തില് ഈ സ്ക്വാഡുകള് വീണ്ടും കരുത്താര്ജ്ജിക്കുമെന്ന് നേരത്തേ രഹസ്യാന്വേഷണ വിഭാഗത്തില് നിന്നും വിവരം കിട്ടിയിരുന്നു. ഇതേ തുടര്ന്ന് പോലീസ് ആഗസ്റ്റ് 27 ന് നടത്തിയ പരിശോധനയില് അംബാലയില് നിന്നും 38 ലക്ഷം രൂപയുമായി രണ്ടു പേര് പിടിയിലായിരുന്നു. ഗുര്മീതിനെ ശിക്ഷിച്ചാല് തിങ്കളാഴ്ച കലാപം സൃഷ്ടിക്കാനും പ്രശ്നമുണ്ടാക്കാനും വേണ്ടി കരുതിയ പണമായിരുന്നു ഇത്. പറയുന്നത് എന്തും ചെയ്യാന് ഒരുങ്ങുന്ന വിശ്വാസികള്ക്ക് നല്കാനായിരുന്നു ഈ തുക കൊണ്ടുവന്നത്.
2005 ല് തയ്യാറാക്കപ്പെട്ട ഒരു ആത്മഹത്യാ കുറിപ്പില് ദേരാ തലവനെതിരേ പ്രഖ്യാപിച്ച സിബിഐ അന്വേഷണം ദേരാ തലവന്റെ തല മോശമായി ചിത്രീകരിക്കാനുള്ള നീക്കമാണെന്ന് ആരോപണം ഉയര്ന്നിരുന്നു. മാനേജര്മാര്ക്കും സേവാദാര്മാര്ക്കും എതിരേ തെറ്റായ കേസ് എടുക്കുകയാണെന്നും ഇതിനെതിരേ താന് നിരാഹാര സമരം തുടങ്ങാന് പോകുകയാണെന്നും എഴുതിയിട്ടുള്ള ഷീലാ റാണി എന്ന വിശ്വാസിയുടെ കുറിപ്പാണ് പോലീസ് കണ്ടെത്തിയത്. മരിച്ചിട്ടാണെങ്കിലും കേസ് ഇല്ലാതാക്കാന് ഇത്തരമൊരു സമ്മര്ദ്ദം ചെലുത്തുമെന്ന് പറഞ്ഞു.
