ന്യൂഡല്ഹി: ഹണിപ്രീത് ബലാത്സംഗക്കേസില് ജയിലിലായ ദേരാ സച്ചാ മേധാവി ഗുര്മീത് റാം റഹീമിന്റെ ദത്തുപുത്രിയല്ലെന്ന് ഹണിപ്രീതിന്റെ മുന്ഭര്ത്താവ് വിശ്വാസ് ഗുപ്ത. ഹണിപ്രീതിനെ ഗുര്മീത് നിയമപരമായി ദത്തെടുത്തിട്ടില്ലെന്നും ഇരുവരും തമ്മില് അച്ഛന്-മകള് ബന്ധമായിരുന്നില്ലെന്നുമാണ് വിശ്വാസ് ഗുപ്തിന്റെ ആരോപിച്ചു. ഇരുവരും തമ്മിലുള്ള രഹസ്യബന്ധം കണ്ടുപിടിച്ചതിനെത്തുടര്ന്ന് തന്നെ വധിക്കുവാനും പദ്ധതിയിട്ടിരുന്നു.വാര്ത്താസമ്മേളനം നടത്തിയാണ് വിശ്വാസ് ഗുപ്ത ഇക്കാര്യങ്ങള് പറഞ്ഞത്.
സ്്ത്രീകള്ക്ക് മാത്രം പ്രവേശനമുണ്ടായിരുന്ന ഗുര്മീതിന്റെ കുപ്രസിദ്ധമായ ഗുഹയ്ക്കുള്ളില്, ബിഗ് ബോസ് പരിപാടിക്ക സമാനമായി ഒരു ഗെയിം നടത്താന് ആറ് ദമ്പതികളെ 28 ദിവസം ഒരുമിച്ചു പാര്പ്പിച്ചിരുന്നു. ഇതിന് പുറമെ ആയുദ്ധങ്ങള് അടങ്ങിയ പെട്ടിയുമായാണ് സഞ്ചാരമെന്ന് വിശ്വാസ് ഗുപ്ത പറഞ്ഞു.
ജയിലില് തനിക്കൊപ്പം ദത്തുപുത്രിയേയും പാര്പ്പിക്കണമെന്ന ആവശ്യവുമായി ഗുര്മീത് അധികൃതരെ സമീപിച്ചിരുന്നു. ഇതേ ആഗ്രഹവുമായി ഹണിപ്രീത് സിങ്ങും അപേക്ഷ നല്കിയിരുന്നെങ്കിലും കോടതി നിര്ദാക്ഷിണ്യം തള്ളുകയായിരുന്നു. ഇപ്പോള് ഹണിപ്രീത് ഒളിവിലാണുള്ളത്.
