തിരുവനന്തപുരം: മാധ്യമപ്രവര്ത്തകര്ക്കിടയില് നുഴഞ്ഞുകയറി, മുഖ്യമന്ത്രി പിണറായി വിജയനെ ആക്രമിക്കാന് സാധ്യതയെന്ന് ഇന്റലിജന്സ് റിപ്പോര്ട്ട്. ചോദ്യങ്ങളുമായി മുഖ്യമന്ത്രിയെ സമീപിക്കുന്ന മാധ്യമപ്രവര്ത്തകര് തിക്കിത്തിരക്കുന്നതു നിയന്ത്രിക്കണമെന്നും റിപ്പോര്ട്ടില് പറയുന്നു. മുഖ്യമന്ത്രി പങ്കെടുക്കുന്ന പരിപാടികളില്, അദ്ദേഹം വാഹനത്തില്നിന്ന് ഇറങ്ങുമ്പോഴും തിരികെക്കയറുമ്പോഴുമൊക്കെ മാധ്യമപ്രവര്ത്തകര് മാര്ഗതടസം സൃഷ്ടിക്കുന്നതു ഗുരുതര സുരക്ഷാഭീഷണിയാണെന്നു റിപ്പോര്ട്ടില് പറയുന്നു.
റിപ്പോര്ട്ട് ഉടന് ആഭ്യന്തര അഡീഷണല് ചീഫ് സെക്രട്ടറിക്കു െകെമാറും. തിനു പിന്നാലെയാണു മാധ്യമപ്രവര്ത്തകരെന്ന വ്യാജേന മുഖ്യമന്ത്രിയെ ആക്രമിക്കാന് സാധ്യതയുണ്ടെന്ന് ഇന്റലിജന്സ് മുന്നറിയിപ്പു നല്കിയത്. ചാനല് ക്യാമറ, സ്റ്റാന്ഡ്, െമെക്ക് എന്നിവയെല്ലാം ആയുധങ്ങളായി ഉപയോഗിക്കാന് കഴിയും. മാധ്യമപ്രവര്ത്തകരെന്ന വ്യാജേനയെത്തുന്നവരുടെ ബാഗുകളിലും ആയുധങ്ങളോ സ്ഫോടകവസ്തുക്കളോ ഒളിപ്പിക്കാം. അതുകൊണ്ടു ചോദ്യങ്ങളുമായി മുഖ്യമന്ത്രിയെ സമീപിക്കുന്ന മാധ്യമപ്രവര്ത്തകരെ നിയന്ത്രിക്കണം.
അവര്ക്കിടയില് അക്രമികള് നുഴഞ്ഞുകയറിയാല് സുരക്ഷാ ഉദ്യോഗസ്ഥര്ക്കു തിരിച്ചറിയാനാവില്ല. ചില മാധ്യമപ്രവര്ത്തകരുടെ ചോദ്യങ്ങള് മുഖ്യമന്ത്രിയെ അലോസരപ്പെടുത്തുകയും അദ്ദേഹം പ്രതികരിക്കുകയും ചെയ്തിട്ടുണ്ട്. മുഖ്യമന്ത്രിയുടെ പത്രസമ്മേളനത്തില് മാത്രമേ ഇനി മാധ്യമപ്രവര്ത്തകരെ അനുവദിക്കാവൂ എന്നും ഇന്റലിജന്സ് റിപ്പോര്ട്ടില് പറയുന്നു. െമെക്കുമായി സമീപിച്ച ചാനല് പ്രവര്ത്തകനോടു പിണറായി മാറിനില്ക്കാന് പറഞ്ഞതു വിവാദമായിരുന്നു.
