കൊല്ക്കത്ത: ഇന്ത്യന് ക്രിക്കറ്റ് താരം മുഹമ്മദ് ഷമിക്കെതിരായ ഗുരുതര വെളിപ്പെടുത്തലുകളില് ഞെട്ടിത്തരിച്ചിരിക്കുകയാണ് ക്രിക്കറ്റ് ലോകം. ഷമിയുടെ ഭാര്യ ഹസിന് ജെഹാനാണ് ഷമിയെക്കുറിച്ച് ആരോപണങ്ങളുമായി രംഗത്തെത്തിയത്. വാട്സ്ആപ്പ് സന്ദേശങ്ങളും, ചാറ്റുകളും സോഷ്യല് മീഡിയകളിലൂടെ പങ്കുവെച്ചാണ് ഭാര്യ ഷമിക്കെതിരെ ആഞ്ഞടിച്ചത്.
ഭാര്യയുടെ ആരോപണങ്ങളെ തുടര്ന്ന് താരത്തിനെതിരെ കൊല്ക്കത്ത പോലീസ് ആരംഭിച്ചിരിക്കെയാണ് വന് വിവാദങ്ങളില് ഞെട്ടിക്കുന്ന ട്വിസ്റ്റ് സംഭവിച്ചിരിക്കുന്നത്. ഹസിന് പുറത്തുവിട്ട വാട്സ് ആപ്പ് ചാറ്റ് വ്യാജമാണെന്നാണ് ഭാര്യക്കെതിരെ ഉയരുന്ന പുതിയ വെളിപ്പെടുത്തല്.
വാട്സ് ആപ്പ് ചാറ്റ് നടക്കുന്ന സമയത്ത് ഷമി ദക്ഷിണാഫ്രിക്കന് പര്യടനത്തിലാണ്. മൂന്നാം ടെസ്റ്റില് താരം ഇന്ത്യയ്ക്കായി ബാറ്റു ചെയ്യുന്നതിനിടെയാണ് ചാറ്റ് നടന്നിരിക്കുന്നത്. മൂന്നാം ടെസ്റ്റിന്റെ മൂന്നാം ദിനത്തില് ഇന്ത്യ ആറു വിക്കറ്റ് നഷ്ടത്തില് ബാറ്റിങ്ങ് നടക്കുന്നതിനിടെയാണ് ഷമി ബാറ്റിങ്ങിനായി ഇറങ്ങുന്നതും ഇന്ത്യയ്ക്കായി പേസര് നിര്ണായകമായ 27 റണ്സ് കൂട്ടിച്ചേര്ക്കുന്നതും. ഈ സമയത്ത് എങ്ങനെയാണ് ഷമി ചാറ്റ് ചെയ്യുക എന്നാണ് ഉയരുന്ന സംശയം. എന്നാല് ഇതില് ഔദ്യോഗിക സ്ഥിരീകരണം ഇണ്ടായിട്ടില്ല. കേസ് കോടതിക്കു പുറത്തുവെച്ചുതന്നെ ഒത്തു തീര്പ്പാക്കാനുള്ള ശ്രമങ്ങളുമായി ഷമിയുടെ കുടുംബം നീങ്ങുകയാണ്.
