തിരുവനന്തപുരം: ഇന്ത്യ-വെസ്റ്റീന്ഡീസ് ഏകദിന മത്സരത്തിന്റെ വേദിയെച്ചൊല്ലിയുള്ള വിവാദം പുകയുകയാണ്. എകദിന മത്സരത്തിന്റെ വേദിയില് ഔദ്യോഗിക സ്ഥിരീകരണം വരാനിരിക്കെ കലൂര് ജവഹര്ലാല് നെഹ്റു സ്റ്റേഡിയത്തിന് പിന്തുണയുമായി ജേജേ ലാല്പെഖല്വ.
ഇന്ത്യയില് ഏറ്റവും കൂടുതല് ആഘോഷിക്കപ്പെട്ട ഫുട്ബോള് വേദികളില് ഒന്നാണ് കൊച്ചിയിലേതെന്ന് ചെന്നൈയിന് എഫ്സി സ്ട്രൈക്കര് ട്വിറ്ററില് കുറിച്ചു. കൊച്ചിയില് താന് ഒരുപാട് തവണ കളിച്ചിട്ടുണ്ട്. അണ്ടര് 17 ലോകകപ്പിന് വേദി പണിതശേഷം മൈതാനം ലോക നിലവാരത്തിലേക്ക് ഉയര്ന്നുവെന്നും ജേജേ പറയുന്നു.
ക്രിക്കറ്റിനോടും, ദേശീയ ക്രിക്കറ്റ് ടീമിനോടും ബഹുമാനമുണ്ട്. എന്നാല് ക്രിക്കറ്റ് മത്സരം തിരുവനന്തപുരത്തേക്ക് മാറ്റുമെന്നാണ് പ്രതീക്ഷിക്കുന്നതെന്നും ജേജേ പറയുന്നു. ക്രിക്കറ്റ് മത്സരം തിരുവനന്തപുരത്തേക്ക് മാറ്റാന് തത്വത്തില് തീരുമാനമായെങ്കിലും ശനിയാഴ്ച ചേരുന്ന ജനറല് ബോഡി യോഗത്തില് മാത്രമേ അന്തിമ തീരുമാനം പ്രഖ്യാപിക്കൂ. ആരാധകരുടെ അഭ്യര്ത്ഥന മാനിച്ച് കൊച്ചിയില് നിന്ന് ക്രിക്കറ്റ് മത്സരം മാറ്റണമെന്ന് സര്ക്കാര് ആവശ്യപ്പെട്ടിരുന്നു.
India's most celebrated footballing venues where I have played several time.The pitch is top quality as it was revamped for the FIFAU17 WC. As a sportsman I would be proudly supporting our national cricket team but I hope that can be at Thiruvananthapuram #SaveKochiTurf pic.twitter.com/uPPRx3AC5A
— jeje lalpekhlua (@jejefanai) March 22, 2018
