കേപ്ടൗണ്: ദക്ഷിണാഫ്രിക്കയ്ക്കെതിരായ മൂന്നാം ടെസ്റ്റിലാണ് ഓസ്ട്രേലിയ ക്രിക്കറ്റ് കളത്തില് മാന്യതയ്ക്കു നിരക്കാത്ത ചതി പുറത്തെടുത്തത്. ടോസ് നേടിയ ദക്ഷിണാഫ്രിക്ക ഓസ്ട്രേലിയയെ ബാറ്റു ചെയ്യാന് വിടുകയായിരുന്നു. ഓസീസിനെ 255 റണ്സിന് പുറത്താക്കി ദക്ഷിണാഫ്രിക്ക 311 റണ്സെടുത്ത് മത്സരത്തില് മേല്ക്കൈ നേടുകയും ചെയ്തു.
രണ്ടാം ഇന്നിങ്സ് ബാറ്റിങ്ങിനിറങ്ങിയ ദക്ഷിണാഫ്രിക്ക ഒരു വിക്കറ്റ് നഷ്ടത്തില് 65 റണ്സെന്ന നിലയില് മികച്ച രീതിയില് ബാറ്റിങ് തുടര്ന്നതോടെ കളി കൈവിടുമെന്ന ഭീതിയിലായി ഒസീസ് താരങ്ങള്. സ്വിങ് കിട്ടാതായതോടെ പന്ത് മാറ്റണമെന്ന് ഓസ്ട്രേലിയ അമ്പയറോട് നിര്ദേശിച്ചെങ്കിലും മാറ്റാന് സമയമായിട്ടില്ലെന്ന് അമ്പയര്മാര് വ്യക്തമാക്കി. ഇതോസമയം, ദക്ഷിണാഫ്രിക്കന് ഓപ്പണര് മര്ക്രാം മിന്നുന്ന ഫോമില് ക്രീസില് തുടര്ന്നതോടെ ലഞ്ചിന് പിരിഞ്ഞപ്പോള് നാണംകെട്ട തന്ത്രം പുറത്തെടുക്കുകയായിരുന്നു.
റിവേഴ്സ് സ്വിങ് കിട്ടുന്നതിനായി പന്തിന്റെ ഒരു ഭാഗത്ത് മഞ്ഞവസ്തു ഉപ്യോഗിച്ച് ചുരണ്ടുകയായിരുന്നു. ഇക്കാര്യം ടെലിവിഷന് ക്യാമറയില് പതിഞ്ഞതോടെ ദൃശ്യങ്ങള് സ്ക്രീനില് ആവര്ത്തിക്കുകയും ചെയ്തു. ഇതോടെയാണ് ബാന്ക്രോഫ്റ്റിനോട് അമ്പയര്മാര് കാര്യം അനേഷിച്ചത്. ഈ സമയത്ത് സണ്ാസ് പൊതിയാന് ഉപയോഗിച്ച കറുത്ത തുണിയാണ് അമ്പയര്മാരെ താരം കാണിച്ചത്. എന്നാല് ദൃശ്യങ്ങളില് മഞ്ഞവസ്തു ആണെന്ന് വ്യക്തമായതോടെ ടീം കുടുങ്ങുകയായിരുന്നു. ഇതേക്കുറിച്ച് ചോദിച്ചതോടെയാണ് കുറ്റം ഏറ്റുപറയാന് ക്യാപ്റ്റന് സ്മിത്ത് ഉള്പ്പെടെ നിര്ബന്ധിതരായത്. ക്രിക്കറ്റ് ലോകത്തെ നാണം കെടുത്തിയ ചതിക്കു കൂട്ടുനിന്ന സ്മിത്തിനെതിരെ ആജീവനാന്ത വിലക്ക് ഉണ്ടാകുമോയെന്നാണ് ഉറ്റുനോക്കുന്നത്.
